Ubutukilo 31:24 - MUKANDA USANDU WA ZAMBI 1975

²⁴ Alioze Zambi yeza kuli Lapane Ka-Seria mu chilota ha ufuku, yamba kuli iye ngwenyi, Ukanyama, kanda uhanjika kuli Yakomba hanji chipema hanji chipi.

Mukanda Wa Zambi 1970

²⁴ Ha ufuku uze Labane yalota chilota. Zambi yamwamba ngwenyi: “Kanyama! Kanda umwesa Yakoba lamba.”

Ubutukilo 31:24 Iomraidhean Croise

Ubutukilo 20:3

Alioze Zambi yeza kuli Apimeleke mu chilota ha ufuku ngwenyi, Tala, uli mufu lume mumu hali pwo yoze watambulanga, mumu iye pwo lia mbala.

Ubutukilo 20:6

Zambi yamba kuli iye mu chilota chenyi ngwenyi, E, ngunanyingika ngwami wachilinga mu kutuwika cha mbunge ye, ni yami nawa nakuchinda kuchina mukanguvulumuna. Kashika chakutayijile kumusunga.

Ubutukilo 24:50

Lapane ni Mbetule yakumbulula ngwo, Chino chuma kuli Yehova chinakatuka. Etu kutuchi kuhasa kwamba nichimwe, hanji chipi, hanji chipema.

Ubutukilo 28:5

Chocho Izake yatuma Yakomba. Yaya ku Panda-narame kuli Lapane mwana wa Mbetule Ka-Seria, ndumbu ya Rebeka, chisemi cha Yakomba ni Esau.

Ubutukilo 31:10

Chapwile ha mwaka muze yimuna maka majimo, nahetwile meso jami, namwene mu chilota kuji a pembe waze anyinyine ha yimuna apwile a yihesayihesa, ni a yipekayipeka ni apundumuka.

Ubutukilo 31:11

Mba mungelo wa Zambi yamba kuli yami mu chilota chami ngwenyi, Yakomba. Ami namba ngwami, Yami uno.

Ubutukilo 31:23

Mba iye yatwala usoko wenyi hamuwika, yamukaula matangwa shimbiali, yamuwana mu milundu ya Ngiliate.

Ubutukilo 31:25

Chocho Lapane yawana Yakomba. Yakomba te hajika mbalaka jenyi mu milundu, mba Lapane ni usoko wenyi yajika mbalaka jo mu milundu ya Ngiliate.

Ubutukilo 31:29

Chatwama mu tachi ja moko jami kukulinga chipi, alioze Zambi ya tatenu kahanjikanga ni yami ufuku wa musono ngwenyi, Ukanyama, kanda uhanjika kuli Yakomba hanji chipema hanji chipi.

Ubutukilo 31:42

Nyi kachi Zambi ya tata, Zambi ya Apalahama, woma wa Izake, kachi kapwile ni yami, pundu kachi wanguhumine mokomoko. Zambi hanamono lamba liami ni kuhondangana cha moko jami mba kakuhisanga musono.

Ubutukilo 31:7

Tatenu hangwonga, halumuna fweto yami kumi lia yisuho, hindu Zambi kamutayijile kunguyindamisa.

Ubutukilo 40:5

Eswe ni aali alotele chilota, mutu chilota chenyi, mutu chilota chenyi ufuku umuwika. Mutu ni mutu nikulita ni ulumbunwiso wa chilota chenyi, ni mukwa musenge wa mwanangana wa Engitu ni mukwa kumulingila mbolo, waze aayikilile mu zuwo lia ususu.

Ubutukilo 41:1

Muze miaka yiali hiyahwa Falau yalota. Mu chilota chenyi kanamana ku lwiji.

2 Samuel 13:22

Absalome aye kahanjikile kuli Amnone chipwe chipema chipwe chipi. Mumu Absalome wavwilile kole Amnone mumu havulumuna ndumbwenyi Tama ni tachi.

1 Yitanga Ya Mianangana 3:5

Ku Ngibeone Yehova yasoloka kuli Solomone mu chilota ha ufuku. Zambi yamba ngwenyi, Eta cheswacho unazange; mungukwahacho.

Jobe 33:25

Musunya wenyi upwe nawa musunya wa ukweze; akahiluke nawa ku tachi ja ukweze wenyi.

Izaya 37:29

Mumu unanguvwila ufwatulo, ni kulizata che hichanguheta mu matwi, kashika mungusa chikungo chami mu zulu lie, mungusa lelia liami mu kanwa lie, mba mungukuhilwisa kunyima mu jila yize yene wejilile.

Hosea 12:12

(Yakomba yachinyina ku chifuchi cha Arame; kwenako Izalele yalingila milimo hali pwo, yafunga mapanga akazuke pwo.)

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Kwalula 22:20

Zambi yaheta kuli Mbalau ha ufuku, yamba kuli iye ngwenyi, Nyi malunga heza mukukusaka, katuka uye no; hindu lie liji yami ngunakwambe, lioliene wika ukalilinge.

Kwalula 22:26

Mungelo wa Yehova yasenya kulutwe, yamana mu jila yikehe muze mwakuhi mwa kutewulukila, chipwe ku chindume, chipwe ku chimeso.

Kwalula 24:13

Kachi Mbalake mangwaha zuwo lienyi lia tò ni prata ni oru, chichi kuzomboka liji lia Yehova, mukulinga chipema, hanji chipi, cha ku mbunge ya yami mwene, ka; cheswacho mamba Yehova chenacho mungwamba yami.

Mateu 1:20

Alioze shimbu anyongene ha yino yuma, kumanyi, mungelo wa Mwene wasolokele kuli iye mu chilota, ngwenyi, José, yena mwana David, kanda wivwa woma kutambula mukwenu-pwo Maria: mumu chize chinaseseka muli iye cha kuli Spiritu Musandu.

Mateu 2:12

No se Zambi haatoweza mu chilota kanda ahilukila kuli Heronde akatukile mukuya ku chifuchi cho ku jila yeka.

Mateu 27:19

Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye.

Shimbi 26:5

Ukumbulule kumeso ja Yehova Zambi ye ngwe, Kulwami wapwile Ka-Seria, te kanambe kutoka. Yapalumukina ku Engitu, yatwamako ni atu akehe. Kwenako yapwa vungu linene, lia ndundo, lia atu anji.