Ubutukilo 31:19 - MUKANDA USANDU WA ZAMBI 1975

¹⁹ Alioze te Lapane haya kutewula mapanga jenyi, kashika Rakele yeya mahamba ja tato.

Ubutukilo 31:19 Iomraidhean Croise

Ubutukilo 24:38

Alioze muoya kuli munyachi wa tata kuli usoko wami, ukasakile pwo mwanami.

Ubutukilo 31:20

Mba Yakomba yasewunuka kuli Lapane Ka-Seria, kamulwezelecho.

Ubutukilo 31:30

Chikwo nawa, chipwe chakutamba kuya mumu usona wunji uli nawo wa zuwo lia tatenu, alioze kuchi te unakeya mahamba jami?

Ubutukilo 31:32

Mweswawo muwana ni mahamba je, kechi kutwama nawa ni mwono. Kumeso ja usoko wetu tala kanawa cheswacho chapwa niché uchimbate. Mumu Yakomba kanyingikine ngwenyi, Rakele heya mahamba.

Ubutukilo 31:34

Rakele iye te handa mahamba, haasweka mu seleyi ya kamelu, yatwamaho. Lapane yapolongoza mweswe mu mbalaka, kaawanyine.

Ubutukilo 31:35

Rakele yamba kuli tato ngwenyi, Mwane, kanda utenuka chakatukile kumeso je mumu ndako ya mapwo yangukwata. Iye yafupa alioze kawanyine mahamba.

Ubutukilo 35:2

Kashika Yakomba yamba kuli akwa zuwo lienyi ni waze eswe apwile no ngwenyi, Mbilenu mahamba a tundaka nuli no hakachi kenu, lipemesenu, zalenu mazalo eka,

Ubutukilo 38:13

Umwe yalweza Tama ngwenyi, Tala, tatenu-weno kanayi ku Timna kutewula mapanga jenyi.

2 Samuel 13:23

Kulutwe lia miaka yiali ya muwundu Absalome wapwile ni akwa kutewula mapanga ku Mbale-Hazore hakamwihi ni Eframe. Absalome yalakenya ana eswe a malunga a mwanangana.

1 MIANANGANA 23:24

Chikwo nawa waze eswe apwile ni mahamba, ni akwa umbanda, ni terafimi, ni tuponya, ni yizelwokeso yize yeswe awanyine mu chifuchi cha Yunda ni mu Yerusaleme, Josia yayichiza akalite ni maliji a shimbi aze a kusoneka mu mukanda sasendote Hilekia wawanyine mu zuwo lia Yehova.

Ezekiel 21:21

Mumu mwanangana wa Babilonia kanamanyina ku makano, kwe ku songo lia majila aali. Kanatahe; kanasakula mivu yenyi; kanahula terafimi; kanatale ku liayi.

Hosea 3:4

Mumu A-Izalele makatwama matangwa anji keshi mwanangana hanji mukwa kuyula; keshi chitapo hanji nguji; keshi efode hanji terafimi.

Yoshua 24:2

Yoshua yamba kuli atu eswe ngwenyi, Yehova Zambi ya Izalele kanambe ngwenyi, Tulamba twenu ha shakulu atwamine mu sali lia Ufrateze, ngwami, Tera tato ya Apalahama ni ya Nehore. Alingilile mazambi akwo.

Akwa Kuyula 18:31

Chocho ajikile kaponya wa kwola yoze Mika walingile shimbu lieswe zuwo lia Zambi liapwile ku Shilo.

1 Samuel 15:23

Mumu kukolema kuchapwa ngwe mulonga wa umbanda, ni upama kuwapwa ngwe uhenge ni kukombelela. Ena hiunalitunu liji lia Yehova; kashika aye hanalitunu yena. Kuchi kupwa mwanangana.

1 Samuel 19:13

Mba Mikale yanda umwe kaponya yamusa ha muhela, yasa mushachilo wa wona wa pembe ku mutwe ni kumufuka ni tunyime.

1 Samuel 25:2

Kwapwile umwe lunga mu Mayone alioze upite wenyi Watwamine mu Karmela. Iye pichi; kali ni tununu atatu a mapanga, ni kanunu ka pembe. Te kanatewula mapanga jenyi mu Karmela.