Ubutukilo 31:12 - MUKANDA USANDU WA ZAMBI 1975

¹² Iye yamba ngwenyi, Hetula meso je haliapwila utale. Kuji eswe waze ananyina ha yimuna kapwa akwa yihesayihesa, ni akwa yipekayipeka ni apundumuka mumu hinamona yize yeswe Lapane kanakulingi.

Mukanda Wa Zambi 1970

¹² Kanganda ngwenyi: ‘Makuji a pembe waze akunyina hali yihwo eswe kaali a yihesa yihesa, ni a yibeka yibeka, ni a mioli mioli. Yami kanganda ngunalingi chino mumu hinamona yize yeswe anakulingi Labane.

Ubutukilo 31:12 Iomraidhean Croise

Ubutukilo 31:10

Chapwile ha mwaka muze yimuna maka majimo, nahetwile meso jami, namwene mu chilota kuji a pembe waze anyinyine ha yimuna apwile a yihesayihesa, ni a yipekayipeka ni apundumuka.

Ubutukilo 31:42

Nyi kachi Zambi ya tata, Zambi ya Apalahama, woma wa Izake, kachi kapwile ni yami, pundu kachi wanguhumine mokomoko. Zambi hanamono lamba liami ni kuhondangana cha moko jami mba kakuhisanga musono.

Miaso (Masamu) 10:14

Alioze yena hiwachimona, mumu kuwakumona uhuka ni kuhungumiona cha atu. Kumukachifwetesa ni kwoko lie. Mwe mukwa luyinda kakulikunjika kuli yena. Yena uli chikwashi cha ana-ashiwa.

Miaso (Masamu) 12:5

Yehova kanambe ngwenyi, Mumu ha lamba lia mukwa luyinda, ha mikuma ya chiswale mungukatuka haliapwila. Mungumusela homa hawape haze iye akufupa nikuhwimashana.

Miaso (Masamu) 139:3

Kuwakunyingikisa jila yami ni kupomba chami. Unalijilila ni majila jami eswe.

Kutuhuka 3:7

Yehova yamba ngwenyi, Chamwenemwene hinamona luyinda wa atu jami ali mu Engitu. Hinevwa muteto wo mumu ha mukunda wa tupatashi two; ngunanyingika yinyengo yo.

Kutuhuka 3:9

Mba haliapwila muteto wa A-Izalele kuunahete kuli yami. Chikwo nawa hinamona lamba anaamwesalio kuli A-Engitu.

Longeshi 5:8

Nyi mumona kupinjisa yiswale, ni mu chifuchi chimwe kanalingi upupilo wa kuhonesa upatwilo ni ululi, kanda chikushima. Mumu umwe kwali helu akwa kunangama; kwali umwe helu lio.

Alevi 19:13

Kanda nupinjisa mukwenu hanji kumupupa. Fweto ya ngamba kanda yitwama mu kwoko lie ndusu ufuku ndo chimene.

Yilinga 7:34

Yami chamwenemwene hingunamono yihungumiona yize akumona atu jami, waze ali mu Engitu, hingunevu mikuma yo, hingunahulumuka mukwapulula. Haliapwila tweya, mungukutuma ku Engitu.

Efesu 6:9

Yenu miata, lingenu yuma yimuwika kuli ayo, nikulitwamina kwomisa: se nunanyingika yoze wapwa Mwene wa eswe aali, niwo kanda niwenu, mwilu mwali, iye keshi katonde niumwe.

Shimbi 24:15

Numwehe fweto yenyi tangwa ha tangwa, shimbu tangwa kanda litoka mumu iye chiswale, kanaselako mbunge yenyi, kuchina mateta kuli Yehova mumu hali yenu, mba muchipwa mulonga kuli yenu.