Ubutukilo 30:33 - MUKANDA USANDU WA ZAMBI 1975

³³ Chocho ululi wami muungusambisa kulutwe muze muwiza kutala fweto yami. Nyi muwana kuli yami umwe keshi yipekayipeka hanji yihesayihesa hakachi ka pembe hanji umwe mulá hakachi ka mapanga muwamba ngwe, Wa kwiya.

Mukanda Wa Zambi 1970

³³ Ha matangwa a kulutwe mba muukanyingika nyi ngunakakwonga. Muze muukeza nikutala yimuna ya yami, nyi wamona umwe pembe keshi yibeka yibeka ni yihesa yihesa hanji panga mulaa, mba muunyingika ngwe, kuma nguli mwiji.”

Ubutukilo 30:33 Iomraidhean Croise

Ubutukilo 30:32

Mungupalika hakachi ka yimuna je musono nikusakula waze eswe a yipekayipeka ni a yihesayihesa, ni mapanga alá, ni pembe a yipekayipeka ni a yihesayihesa. O mapwa fweto yami.

Ubutukilo 30:34

Lapane ngwenyi, Chikapwe nikulita ni liji lie.

Ubutukilo 31:37

Hiwapolongoza mu upite wami weswe, mba yikwata yika ya yena wawanamo? Yitumbike kuno kumeso ja usoko wami ni usoko we hanga atupatwile.

2 Samuel 22:21

Yehova wangwononwene nikulita ni ululi wami; wangufwetele nikulita ni kupema cha moko jami.

Miaso (Masamu) 37:6

Iye kumafumanyisa ululi we ngwe pangu, ni chiyulo che ngwe tangwa ha muchima.

Kutuhuka 13:14

Muze manuhula kuli ana jenu kulutwe ngwo, Acho chika? Nukaambulwile ngwenu, Ni kwoko lia tachi, Yehova watuchijile ku Engitu ku zuwo lia upinji.

Izaya 59:12

Mumu Utanguko wetu hiwoka kumeso je; milonga yetu kuyakutushindakenya. Utanguko wetu watwama hamwe ni yetu; tunanyingika uhenge wetu.

1 Samuel 26:23

Yehova akononone mutu mweswe nikulita ni ululi wenyi ni kushishika chenyi, mumu Yehova wanukunjikanga kuli yami musono hindu cholwele kwoko liami kulimika ni yoze amuwayishile kuli Yehova.