Ubutukilo 30:27 - MUKANDA USANDU WA ZAMBI 1975

²⁷ Lapane yamba ngwenyi, Nyi hinawana vumbi ku meso je, twama. Mumu hinamona ngwami, Yehova kakunguwahisa ha mukunda wa yena.

Mukanda Wa Zambi 1970

²⁷ Labane yamukumbulula ngwenyi: “Nyi muutayiza twama ni yami, mumu ha kutaha chami ngunanyingika ngwami, Mwene Zambi hangukwasa mumu hali yena.

Ubutukilo 30:27 Iomraidhean Croise

Ubutukilo 12:3

Waze makuwahisa mungwawahisa. Yoze makushinga neye mungumushinga. Muli yena mavungu eswe a hashi kumakaawahisa.

Ubutukilo 18:3

Yamba ngwenyi, Mwene wami, nyi nawana vumbi kumeso jenu kanda nukatuka kuli yami kavumbi kenu.

Ubutukilo 26:24

Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Ubutukilo 30:30

Mumu muze nejile te chikepe uli nacho. Haliapwila hichatoha, hichalumbama. Kweswako natalikisa Yehova hakuwahisa. Mba mwaka uka munguzuka yuma ya kuwahisa akwa zuwo liami lume?

Ubutukilo 33:15

Esau yamba ngwenyi, Munguhichika amwe akwetu hamwe ni yena. Iye yakumbulula ngwenyi, Aka? Nguwane kama vumbi kumeso ja yena mwene wami.

Ubutukilo 34:11

Shekeme yamba nawa kuli tato ni mandumbu jenyi ngwenyi, Nguvwilenu vumbi, cheswacho munwita mungunwahacho.

Ubutukilo 44:5

Uno ngwami musenge mwata wami akunwinamo. Chipwe kutaha kakutahilamo ngombo. Chino nwalinganga, chipi.

Ubutukilo 47:25

O yamba ngwo, Hiwatulamwina mwono wetu, utuvwile kama vumbi mwata, mba mutupwa ngamba ja Falau.

2 Samuel 6:11

Mushete wa Yehova watwamine mu zuwo lia Obede-Endome Ka-Ngata tukweji atatu. Yehova wawahishile Obede-Endome ni akwa zuwo lienyi eswe.

1 Yitanga Ya Mianangana 11:19

Hadade yawana vumbi linji kuli Falau, yamwaha pwo, mwanakwo wa pwo lienyi mwene, te mwanakwo wa Tapene mwe mwazovu.

Nehemia 1:11

Mwene, ngunalembe, twitwi lie Ukapanjike ku kulemba cha yami kavumbi ke ni ku kulemba cha tuvumbi twe waze akwivwa chiseke ha kulemesa jina lie. Wahisa kama yami kavumbi ke musono, ngunalembe, ukangwehe keke kumeso ja yono lunga. Mumu napwile mukwa kuhana musenge kuli mwanangana.

Nehemia 2:5

Yingwamba kuli mwanangana ngwami, Nyi chinanupemena mwanangana, ni yami kavumbi kenu hinawana vumbi kumeso jenu, ngunazange nungutume ku Yunda, ku chihunda cha mafuka ja tulamba twami, ngukachitunge.

Miaso (Masamu) 1:3

Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

Kutuhuka 3:21

Mungukahana kuli wano atu vumbi kumeso ja A-Engitu mba muze munukaya, kunuchi kaya mokomoko.

Izaya 6:13

Alioze umwe hakachi ka kumi malisalaho, hindu machocha nawa, ngwe mutondo wa terebine, hanji carvalho, uze wahichika chimbunji mu mavu ha kuupakula. Munyachi lisandu che chimbunji.

Izaya 61:9

Ana jo makaanyingika hakachi ka mavungu; waze masemuka kuli ayo makaanyingika hakachi ka minyachi. Waze eswe makaamona makaatayiza ngwo, Atu a kuwahisa kuli Yehova.

Izaya 65:8

Yehova kanambe ngwenyi, Kakuwana vinyu mu chichakata, mba kakwamba ngwo, Kanda nuchenyeka mumu uwape ulimo. Chocho ni yami mungulinga ha mukunda wa kavumbi kami, chichi kaenyeka eswe.

Daniel 1:9

Zambi yanyongesa unuku wa lutwe vumbi ni keke ha kutwala kuli Daniel.

Kwalula 11:11

Mose yamba kuli Yehova ngwenyi, Kuchi te hiwangulinga chipi? yami kavumbi ke? kuchi te chawanyine vumbi kumeso je, ukangutwike chiteli cha wano atu eswe?

Kwalula 11:15

Nyi mulinga chocho kuli yami ungushihe haliapwila, nyi nawana vumbi kumeso je. Kanda ngumona lamba lino lia yami.

Yilinga 7:10

Wamupulwile ku luyinda wenyi mweswe, wamuhele vumbi ni mana kumeso ja Falau, mwanangana wa Engitu: iye wamusele nguvulu helu lia Engitu ni helu lia zuwo lienyi lieswe.

Rute 2:13

Mba pwo wambile ngwenyi, Mwata, vumbi unangulingi nikungulembejeka nikuhanjika ni utu kuli yami kavumbi kenu, chipwe chapwile kavumbi kenu.

1 Samuel 16:22

Saulu yatuma kuli Yese ngwenyi, Ngunaliumbu; tayiza David kumana kumeso jami mumu kananguwahila chinji.