Ubutukilo 30:1 - MUKANDA USANDU WA ZAMBI 1975

¹ Muze Rakele yamona kasemene ana kuli Yakomba yavwila ukwa yayo. Yamba kuli Yakomba ngwenyi, Ungwehe mwana, nyi ka, mungufwa.

Mukanda Wa Zambi 1970

¹ Muze Rashele hamona ngwenyi, keshi kusema ana, yevwila yayo Leya ukwa. Yambila Yakoba ngwenyi: “Ngwehe ana, nyi ka, kumungufwa.”

Ubutukilo 30:1 Iomraidhean Croise

Ubutukilo 29:31

Yehova yamona ngwe Liya kamuzangile kashika wamwaha kusema, alioze Rakele iye mumba.

Ubutukilo 37:11

Ayayo amuvwilile ukwa, alioze tato wafungile maliji ano mu mbunge yenyi.

1 Yitanga Ya Mianangana 19:4

Alioze wayile wenyi wa tangwa lia muwundu mu puya. Yaheta ku chiputa chimwe, yeta kuli Zambi akafwe. Ngwenyi, Kunahu, Yehova, tambula kama mwono wami, mumu chapemene kuhiana atata.

Jobe 13:19

Iya manguhangulula? Nyi chocho kachi munguhola ngufwe lume.

Jobe 3:11

Kuchi te chafwile he ha kusemuka? Kuchi te chatuhukile mu jimo hikusutuka lume?

Jobe 5:2

Kulifwita muchishiha chihepuke. Nyi malichafukila mu uchelo wenyi achi hikufwa.

Miaso (Masamu) 106:16

Mu chilombo evwilile ukwa Mose, hamwe ni Arone mwe musandu wa Yehova.

Yishima 14:30

Mbunge yingunu kuyakuhana mwono ku mujimba; alioze ukwa kuwakupolesa yifwaha.

Yishima 30:16

ngwami, Shiole; ni jimo lia mumba; ni mavu aze keshi kuyuka ni meya, ni kahia kaze kukeshi kwamba ngwo, Kwahwa!

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Kwalula 11:15

Nyi mulinga chocho kuli yami ungushihe haliapwila, nyi nawana vumbi kumeso je. Kanda ngumona lamba lino lia yami.

Kwalula 11:29

Mose yamba kuli iye ngwenyi, Unaavwila ukwa mumu hali yami nyi? Ngunazange kachi atu eswe a Yehova kapwa aprofeta, hanga Yehova ase hali ayo Spiritu yenyi.

Yoano 4:3

wahichikile Yundeya, wayile cheka nawa ku Ngalileya.

Yoano 4:8

(Mumu tumbaji twenyi te haya ku limbo akalande kulia).

1 Korintu 3:3

Mumu nuchili akwa musunya: mumu se kuyili hakachi kenu, ni ukwa, ni vunda, ni kuhangujola, hi nuli akwa musunya ko, nyi? Kunwendele nikulita ni atu, nyi?

2 Korintu 7:10

Mumu chinyengo cha kulita ni Zambi kuchakulinga kulikonyekena ku ulamwino, chize kechi kachipihilila nawa: alioze chinyengo cha hano hashi kuchakulinga kufwa.

Galashia 5:21

ni lufwachinda, ni ungalwe, ni kuzengewa, ni kuhungumuka ni yipi, ni yuma ya kulifwa ni yino; ha kutwala ku yiyo, ngunanwambulwila Shimbu-kanda, chizechene ngwe nanwambulwilile kulu, ngwami, Waze akulingalinga yuma ngwe yino kechi kahinga wanangana wa Zambi.

Titu 3:3

Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.

Tiangu (Jake) 3:14

Alioze kachi nuli ni ukwa usasu ni kulimanangana mu mbunge jenu, kanda nulisamba, kanda nuhanjika mahuza a kulimika ni umwenemwene.

Tiangu (Jake) 4:5

Shina nunashinginyeka ngwe Chisoneko chinahanjika chamokomoko, nyi? Ngwo, Spiritu, yoze wakutwama muli yetu kakwivwa usona ndo ku ukwa, nyi?

1 Samuel 1:10

Mwe pwo te kanalifwichi nikulemba kuli Yehova nikulila chikolo.