Ubutukilo 3:6 - MUKANDA USANDU WA ZAMBI 1975

⁶ Muze pwo yamona ngwenyi, Mutondo upema wa kulia, chikwo nawa unawaha ku meso, mutondo wa kuzanga hanga akapwe ni mana, yahelako mihuko, yalia. Yahana nawa kuli mukwo-lunga hamwe nenyi, neye yalia.

Mukanda Wa Zambi 1970

⁶ Pwo yamona ngwenyi, mutondo uze unabeme, ni mihuko yawo nawa yinabeme ha kulia. Yanyonga nawa ngwenyi, chili chibema ha kubwa ni mana. Kashika yahela ko mihuko, yalia. Mba yahana Chihanda kuli lunga lienyi, lunga neye yalia.

Ubutukilo 3:6 Iomraidhean Croise

Ubutukilo 3:12

Lunga yamba ngwenyi, Pwo wanguhele akapwe hamwe ni yami, iye wangwahanga wa ku mutondo mba nalianga.

Ubutukilo 3:17

Kuli Alama yamba ngwenyi, Mumu yena hiwatayiza liji lia mukwenupwo hiwalia ku mutondo uze nakukanjishile ngwami, Kanda uliako, mavu kanashingiwa ha mukunda wa yena. Mukaliako ni kuhondangana wika matangwa eswe a mwono we.

Ubutukilo 39:7

Kulutwe pwo lia kakó wasele meso jenyi kuli José, mba yamba ngwenyi, Tweya upombe ni yami.

Ubutukilo 6:2

ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile.

2 Samuel 11:2

Ha ngoloshi David yakatuka ha muhela wenyi, yaya nikwolola molu ha fulumba lia zuwo lia mwanangana. Ku fulumba yamona pwo umwe kanasane. Mwe pwo te mupema chikolo ku meso.

1 Yitanga Ya Mianangana 13:19

Chocho yahiluka nenyi yalia mu zuwo lienyi yanwa meya.

Jobe 31:1

Nakolesele shingo ni meso jami; mba kuchi munguhasa kusa meso jami hali mwana-pwo?

Ezekiel 24:16

Mwana mutu, nyingika kanawa ngunambe kukutambula susumuku chize meso je anawahilila nacho; alioze kanda ulishimwoka chipwe kulila, chipwe kutayiza masoji je kusotwoka.

Ezekiel 24:21

Amba kuli akwa munyachi wa Izalele ngwe, Mwene Yehova kanambe ngwenyi, Mungukajilula zuwo liami lisandu, we uhenya wa tachi jenu ni chize meso jenu anawahilila nacho, ni chize nwakuzanga ni mbunge jenu jeswe. Anenu a malunga ni a mapwo waze nwahichikile kunyima kumafwa ni katana.

Ezekiel 24:25

Ni yena mwana mutu, ha tangwa lize mungukaatambula chihunda cho cha kukolesa, uwahililo wo ni uhenya wo, ni chize meso jo kakuwahilila nacho ni mbunge jo kujakuzanga, hamwe ni ana jo a malunga ni a mapwo.

Hosea 6:7

O hanatangula usendo chizechene ngwe Alama; hanalingi ni mafwefwe kuli yami.

Mateu 5:28

alioze yami ngunambe kuli yenu ngwami, Mweswawo matala pwo mukumuvwila usolo, halinga nenyi utanji kulu mu mbunge yenyi.

1 Timoteu 2:14

ni Alama kongolokele, alioze pwo se ongolokele walimbukile mu Utanguko.

Yoshua 7:21

Muze namwene hakachi ka yuma ya kupupa chikuto chimwe chipema cha ku Babilonia, ni kulakaji aali a shekele ja prata, ni chipinji cha oru cha makumi atano a shekele nayivwilile kuzo, yinguyitambula. Kuyili ya kusweka mu mavu muchima lia mbalaka yami. Prata kushi yili.

1 Yoano 2:16

Mumu yize yeswe yili hano hashi, usolo wa musunya, ni usolo wa meso, ni kulizata cha mwono, hi ya kuli Tata ko, aiioze ya hano hashi.

Akwa Kuyula 14:17

Pwo Walilile kumeso jenyi matangwa eswe shimbiali a muzumbu, mba ha tangwa liamuchishimbiali wamulwezele mumu kanamuketeka chikolo. Pwo yaya, yalweza chijimbikilo kuli akwa chifuchi chenyi.