Ubutukilo 3:5 - MUKANDA USANDU WA ZAMBI 1975

⁵ mumu Zambi kananyingika ngwenyi, Ha tangwa lize munuliako meso jenu malaula, munupwa ngwe Zambi, nikunyingika chipema ni chipi.

Mukanda Wa Zambi 1970

⁵ Zambi kanakamba chino mumu kananyingika ngwenyi, nyi nwayilia, meso jenu maalaula, kuchina mununyingika yibema ni yibi ngwe iye Zambi.”

Ubutukilo 3:5 Iomraidhean Croise

Ubutukilo 2:17

alioze ku mutondo wa chinyingi cha chipema ni chipi, kanda uliako, mumu ha tangwa muoliako kumukafwa lume.

Ubutukilo 2:9

Mba ku mavu Yehova Zambi yasokesa mitondo yeswe yipema ku meso, ni yize yipema ya kulia; mutondo wa mwono nawa mukachi ka munda, ni mutondo wa chinyingi cha chipema ni chipi.

Ubutukilo 3:10

Iye yakumbulula ngwenyi, Nevwa liji lie mu munda mba nevwa woma mumu uselesele nguli, kashika naswama.

Ubutukilo 3:22

Yehova Zambi yamba ngwenyi, Kumanyi mutu hapwa ngwe yetu, nikunyingika chipema ni chipi, kashika kuchina mazoza kwoko lienyi akahele nawa ku mutondo wa mwono akalie, akatwame ni mwono miaka yeswe…

Ubutukilo 3:7

Mba meso jo yalaula, eswe aali yanyingika ngwo, Uselesele tuli. Yatonga mafwo a mukuyu akaatenge miswele.

1 Yitanga Ya Mianangana 22:6

Chocho mwanangana wa Izalele yakungulula aprofeta hamuwika, ngwe kulakaji awana a malunga, yamba kuli ayo ngwenyi, Nguye mukwasa jita ni Ramote-Ngiliate nyi ka? O ngwo, Yénu, mumu Mwene machikunjika mu kwoko lia mwanangana.

2 Sango Ja Mianangana 32:15

Kashika kanda nutayiza Hezekia kunwonga chocho, hanji kunukununa. Kanda numutá mumu niumwe zambi wa mavungu eswe ni mawanangana eswe hahasa kupulula atu jenyi ku kwoko liami, chipwe ku moko ja atata. Nyi o kahashile, mba Zambi yenu mahasa kunupulula ku kwoko liami?

Miaso (Masamu) 12:4

Waze akwamba ngwo, Mutukumba ni malimi jetu. Mivumbo yetu ya mbala ya yetu; iya mapwa mwene wa yetu?

Kutuhuka 20:7

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Kutuhuka 5:2

Falau yamba ngwenyi, Yehova iya? Mba ngupanjike ku liji lienyi, ngweche A-Izalele kuya? Ami Chanyingikine Yehova, chikwo nawa chichi kwecha A-Izalele kuya.

Izaya 14:14

Mungunyina helu lia manangamo a malelwa, mungulifwisa ni mwe Chitunda.

Ezekiel 13:22

Mumu hinwahongesa mbunge ya mukwa ululi ni mahuza, chipwe yami chichi kumuhongesa; alioze hinwahana tachi kuli chingulungulu kuchina makatuka ku jila yenyi ya ungulungulu akalamwine mwono wenyi.

Ezekiel 28:12

Mwana mutu, imba lungungu hali mwanangana wa Teru ukambe kuli iye ngwe, Mwene Yehova kanambe ngwenyi, Yena mukwa kusa chijikilo ha upeme weswe, wa tò ni mana ni upeme kuushi kachipa.

Ezekiel 28:2

Mwana mutu, amba kuli mukwa kuyula Teru ngwe, Mwene Yehova kanambe ngwenyi, Mumu mbunge ye yinulengumuka hiwamba ngwe, Nguli umwe Zambi, ngunatwama ha chitwamo cha mazambi hakachi ka kalunga-lwiji; hindu uli mutu tuhu, hi uli zambi ko— chipwe unalimono ngwe mana je a umwe zambi.

Ezekiel 28:9

Mukalikoleza kwamba ngwe, Nguli zambi, kumeso ja waze makakushiha, chipwe uli mutu tuhu, hi uli zambi ko, mu moko ja waze anakulemeka, nyi?

Ezekiel 29:3

Hanjika ukambe ngwe, Mwene Yehova kanambe ngwenyi, Kunalimika ni yena, Falau mwanangana wa Engitu, mwe ndragau yoze wapomba hakachi ka njiji jenyi, yoze kakwamba ngwenyi, Lwiji wami lume, namutangile hali yami mwene.

Daniel 4:30

mba mwanangana yamba ngwenyi, Ayino, ngwami, ye Babilonia yinene ya kutunga yami mwene ni ndundo jami ja ngolo yikapwe zuwo lia wanangana ni uhenya wa wanangana wami nawa.

Daniel 6:7

Akwa lutwe eswe a mu wanangana, ni tupitau, ni yilolo, ni tuliamanga, ni anguvulu, hitwanyonga hamuwika ngwetu, Chatamba yenu mwanangana kusa shimbi ni kukolesa koki ya kwamba ngwenu, Mweswe malemba kuli umwe zambi hanji kuli umwe mutu ha shimbu lia makumi atatu a matangwa, shina kuli yenu mwanangana, amunyase mu wina wa ndumba.

Mateu 6:23

Alioze kachi liso lie mulipwa lipi, kachi mujimba we weswe muuzala tò ni milima. Kashika kachi pangu lize lili muli yena mulipwa milima, milima yipwa haha!

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

2 Korintu 11:3

Alioze ngunevu woma, kuchina ku chuma chimwe, chizechene ngwe kapela wongele Eva ni kalimbavuli kenyi, chocho mapihisa manyonga jenu ku kutuwika cha mbunge ni kulinanga chize chili kuli Kristu.

2 Korintu 4:4

muli ayo zambi ya mwakono hanapupuchisa manyonga ja waze keshi kufuliela, hanga kupanguka cha sango lipema lia uhenya wa Kristu, Mwenawo che kulifwa cha Zambi, kuchichi kapanguka hali ayo.

2 A-TESALONIKA 2:4

yoze malimika nikulinangamisa kwilu kulimika ni yize yeswe anayivuluka ngwo, Zambi, chipwe yize yeswe anayiwayila: chocho iye mwene matwama mu tembele ya Zambi, nikulilweza ngwenyi, Yami Zambi.

Usolwelo 13:14

Iye yapiangula akwa hashi mumu ha yilayi yize amuhele mukulinga kumeso ja mwe ngongo; nikwamba kuli akwa hashi akatange kaponya kuli ngongo, yoze uli ni mbandu ya katana Watwamine ni mwono.

Usolwelo 13:4

O awayilile ndragau, mumu wahanyine poko kuli ngongo, o awayilile ngongo, ngwo, Iya malifwa ni ngongo? Iya mahasa kwasa nenyi jita?

Akwa Kuyula 3:2

Chapwile hanga yisemuko ya A-Izalele akanyingike jita akalongese jita waze te kanda ayinyingika kama.