Ubutukilo 3:24 - MUKANDA USANDU WA ZAMBI 1975

²⁴ Mba yahuma mutu, yasa ku sali lia Chivumbuko lia munda wa Endene akerupimi ni katana wa mulengi wa kutalikisa majila eswe kufunga jila ya mutondo wa mwono.

Mukanda Wa Zambi 1970

²⁴ Mba ku sali lia chivumbuko lia munda wa Edene, yasa ko akwa mwono a mwilu ni mukwale wa mulengi wa kahia wakutalikisa ku majila eswe, ha kujika jila ya ku mutondo uze wakuhana mwono.

Ubutukilo 3:24 Iomraidhean Croise

Ubutukilo 3:23

kashika Yehova Zambi yamukatwisa mu munda wa Endene akalime mavu kuze amuchijile.

Ubutukilo 4:1

Mba lunga walimwene ni mukwo-pwo Eva. Iye yaka ufumba, yasema Kene. Yamba ngwenyi, Natambula mwana-lunga kuli Yehova.

Ubutukilo 4:14

Musono hiwanguhumina hashi, chipwe kumeso je mungukaswama. Mungupwa mukwa kuchina kanda chendanganyi hano hashi mba mweswawo manguwana mangushiha.

Miaso (Masamu) 104:4

Wakutenga fuji tunganda twenyi, ni tuvumbi twenyi mulengi wa kahia.

Miaso (Masamu) 80:1

Panjika kama, yena Kafunga ka Izalele. Yena wakutetekela José ngwe chendo cha yimuna. Panguluka kama yena wakutwama hakachi ka akerupime.

Miaso (Masamu) 99:1

Yehova kanayulu, mavungu ja atu akachikime. Katwama hakachi ka akerupime, hashi heswe hakanyike.

Kutuhuka 25:2

Hanjika ni A-Izalele ukangunehene milambu. Ukatambule mulambu wami kuli mweswe ukwete mbunge ya kutá.

Ezekiel 10:1

Yingutala, kumanyi mu kuzazuluka chize chapwile helu lia mitwe ya akerupimi chimwe chuma chasolokele helu lio kulifwa ngwe safwira, ni kupwa chacho ngwe ngunja.

Ezekiel 31:11

kashika mungukaukunjika mu kwoko lia mwe mukwa ndundo hakachi ka mavungu. Iye makaulinga nikulita ni ungulungulu wawo. Yami hinaumbila.

Kwalula 22:23

Mwe chimbulu yamona mungelo wa Yehova nikumana mu jila, katana kenyi wa kutomona mu kwoko lienyi. Chimbulu yakondoloka ku jila, yanjila mu yambu. Mbalau yalamba chimbulu mukumuchindulwila mu jila.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Hebreu 1:7

Ha kutwala kuli angelo kanambe ngwenyi, Yoze wakupwisa angelo jenyi maspiritu, ni tuvumbi twenyi mulengi wa kahia;

Yoshua 5:13

Muze te Yoshua ku Yeriku ali, yahetula meso jenyi kutala, kumanyi umwe tanga kanamana kumeso jenyi ni katana kenyi wa kutomona mu kwoko lienyi. Yoshua yakundama kuli iye ngwenyi, Ena uli ha sali lia yetu nyi uli ha sali lia akwa kole jetu?

1 Samuel 4:4

Kashika atumine ku Shilo anehe mushete wa usendo wa Yehova-wa-Tujita yoze watwama hakachi ka akerupimi. Ana aali a Eli, Hofni ni Finehase apwileko hamwe ni mushete wa usendo wa Zambi.