Ubutukilo 3:23 - MUKANDA USANDU WA ZAMBI 1975

²³ kashika Yehova Zambi yamukatwisa mu munda wa Endene akalime mavu kuze amuchijile.

Mukanda Wa Zambi 1970

²³ Kashika Mwene Zambi yahanga mutu mu munda wa Edene, hanga akalime e mavu kuze amuchijile.

Ubutukilo 3:23 Iomraidhean Croise

Ubutukilo 2:5

Ni mitondo yeswe ya mu mavu shimbu kanda yipwa hashi, ni yiputa yeswe ya mu mavu shimbu kanda yisoka, mumu Yehova Zambi kanda anokesa vula hashi, chipwe mutu keshiko yoze machipa mavu.

Ubutukilo 2:7

Yehova Zambi yawumba mutu wa ku fufuta ya mavu, yahwima mu mazulu jenyi mwiku wa mwono mba mutu yapwa mukwa mwono.

Ubutukilo 2:8

Yehova Zambi yatumba munda ku chivumbuko, mu Endene, mwenamo asele mutu yoze awumbile.

Ubutukilo 3:19

Mukalia ni matukuta a ku meso je ndo mukahiluka mu mavu se kuze kwene akuchijile. Mumu uli fufuta mba ku fufuta mukahilukila.

Ubutukilo 3:22

Yehova Zambi yamba ngwenyi, Kumanyi mutu hapwa ngwe yetu, nikunyingika chipema ni chipi, kashika kuchina mazoza kwoko lienyi akahele nawa ku mutondo wa mwono akalie, akatwame ni mwono miaka yeswe…

Ubutukilo 3:24

Mba yahuma mutu, yasa ku sali lia Chivumbuko lia munda wa Endene akerupimi ni katana wa mulengi wa kutalikisa majila eswe kufunga jila ya mutondo wa mwono.

Ubutukilo 4:12

Chize ku tangwa lia musono muze mulima ha mavu kechi kukwaha tachi jo. Kumukapwa mukwa kuchina kanda chendanganyi hano hashi.

Ubutukilo 4:2

Kulutwe yasema nawa mwanakwo Abele. Abele mukwa kufunga mapanga, alioze Kene mukwa kulima.

Ubutukilo 9:20

Noe waputukile kupwa njimi. Yalima munda wa uva.

Longeshi 5:9

Chikwo nawa kufumbuka cha mavu cha mbala cha eswe; chipwe mwanangana kakufuliela minda.