Ubutukilo 3:22 - MUKANDA USANDU WA ZAMBI 1975

²² Yehova Zambi yamba ngwenyi, Kumanyi mutu hapwa ngwe yetu, nikunyingika chipema ni chipi, kashika kuchina mazoza kwoko lienyi akahele nawa ku mutondo wa mwono akalie, akatwame ni mwono miaka yeswe…

Mukanda Wa Zambi 1970

²² Mba Mwene Zambi yamba ngwenyi: “Haliabwila mutu habwa ngwe yetu mumu hanyingika yibema ni yibi. Kuchamutambile kulia mihuko ya mutondo uze wakuhana mwono, kuchina makabwa ni mwono wa miaka yeswe.”

Ubutukilo 3:22 Iomraidhean Croise

Ubutukilo 1:26

Zambi yamba ngwenyi, Tulingenu mutu mu chano chetu, mwe mu kulifwa chetu. Akapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia yimuna, ni helu lia hashi heswe, ni helu lia akwa kukalala eswe aze akukalala hashi.

Ubutukilo 2:9

Mba ku mavu Yehova Zambi yasokesa mitondo yeswe yipema ku meso, ni yize yipema ya kulia; mutondo wa mwono nawa mukachi ka munda, ni mutondo wa chinyingi cha chipema ni chipi.

Ubutukilo 3:21

Mba Yehova Zambi watongelele Alama ni mukwo-pwo yikuto ya malambu akaajike.

Ubutukilo 3:23

kashika Yehova Zambi yamukatwisa mu munda wa Endene akalime mavu kuze amuchijile.

Ubutukilo 3:5

mumu Zambi kananyingika ngwenyi, Ha tangwa lize munuliako meso jenu malaula, munupwa ngwe Zambi, nikunyingika chipema ni chipi.

Miaso (Masamu) 22:26

Yimbovu kumalia nikukuta; waze akufupa Yehova mamuhalisa; mbunge ye yitwame ni mwono ku miaka ya mutolo.

Yishima 3:18

Kuli waze mayizuka yapwa ngwe mutondo wa mwono. Kawaha waze akuyilalaminya.

Jeremia 22:23

Ena watwama ha Lebano nikusa chaswa che ku misedru muwiza kutwa mikuma muze misongo ye muyikuwana; yikola ngwe ya pwo mu kufumbajala.

Usolwelo 2:7

Yoze uli ni matwi, evwe chize anambe Spiritu ku yikungulwila. Kuli yoze makumba, mungukamwaha mukulia ku mutondo wa mwono uze uli mu Paraisu ya Zambi.

Usolwelo 22:14

Kawaha waze akukosa mazalo jo ja ngungu, hanga akapwe ni chiyulo ku mutondo wa mwono, hanga akanjile ku yikolo mu limbo.

Usolwelo 22:2

Mukachi ka tapalo lialio, ni ha sali lino lia lwiji, ni ha sali lize, mutondo wa mwono wakwima kumi lia mihuko ni mihuka yiali, wakwima mihuko yawo kakweji ha kakweji: mafwo ja mutondo a kuwuka no mavungu.