Ubutukilo 3:19 - MUKANDA USANDU WA ZAMBI 1975

¹⁹ Mukalia ni matukuta a ku meso je ndo mukahiluka mu mavu se kuze kwene akuchijile. Mumu uli fufuta mba ku fufuta mukahilukila.

Mukanda Wa Zambi 1970

¹⁹ Matukuta anji muukasapangana, muukahondangana ha kulima hashi ndoo muukahiluka ku mavu kuze nakuchijile. Ku mavu wakatukile kwenako muukahiluka nawa.”

Ubutukilo 3:19 Iomraidhean Croise

Ubutukilo 18:27

Apalahama yakumbulula ngwenyi, Haliapwila hinahamuka kuhanjika ni Mwene, yami nguli fufuta ni uto wika.

Ubutukilo 2:7

Yehova Zambi yawumba mutu wa ku fufuta ya mavu, yahwima mu mazulu jenyi mwiku wa mwono mba mutu yapwa mukwa mwono.

Ubutukilo 23:4

Nguli chilambala, nguli njize hakachi kenu, ngwehenu chihela chimwe chikapwe chifuka hanga ngukafunde afu jami kumeso jami.

Ubutukilo 3:18

Mbimbo nawa ni mikalale muyikakusokela, mba mukalia yilimalima ya ha mavu.

Ubutukilo 5:5

Kashika matangwa eswe a mwono wa Alama makulakaji livwa a miaka ni makumi atatu a miaka, mba yafwa.

Jobe 1:21

Uselesele natuhukile mu jimo lia mama; uselesele munguhiluka. Yehova wapele; Yehova hachiza—jina lia Yehova likafumane.

Jobe 10:9

Iwuluka, yena wangulingile ngwe uma, mba ungwalumune fufuta nawa?

Jobe 19:26

Mba chipwe kowa lino lia yami hiliahwa, hindu mu musunya wami mungukamona Zambi.

Jobe 21:26

Eswe ni aali kakupomba mu fufuta, ni kufukiwa ni mavuno.

Jobe 34:15

Atu eswe makakuwa hamuwika; mutu mahiluka cheka nawa ku fufuta.

Jobe 4:19

mba waze atwama mu mazuwo ja uma ni fundamentu jo mu fufuta; kakwafwenya ngwe ndulu

Miaso (Masamu) 103:14

Mumu kananyingika mijimba yetu; kanewuluka ngwenyi, O kapwa fufuta tuhu.

Miaso (Masamu) 104:23

Atu kakutuhuka akaye ku milimo yo nikuhondangana ndo chingoloshi.

Miaso (Masamu) 104:29

Musweka meso je, o malipikala. Mwatambula mwiku wo, o kumafwa, kumahiluka ku fufuta.

Miaso (Masamu) 127:2

Chamokomoko kuli yena kulaula chimenemene, nikuhwima hakachi ka ufuku, nikutambula kulia cha kukilikita, mumu chocho kakuhana tulo kuli yoze wamuzanga.

Miaso (Masamu) 22:15

Tachi jami jinomu ngwe chipalupalu cha ndeho; limi liami linalamata ku mbangachi jami; kuwanguneha mu fufuta ya kufwa.

Miaso (Masamu) 22:29

Anene eswe a hashi kumalia, kumawayila. Waze eswe akuya ku fufuta kumahetama kumeso jenyi, chipwe waze kahashile kufunga mwono wo.

Miaso (Masamu) 90:3

Wakuhilwisa mutu ku fufuta. Wakwamba ngwe, Hilukenu ana ja atu.

Yishima 21:16

Mweswe mahichika jila ya malinjekela mapomba mu chikungulwila cha afu.

Longeshi 1:13

mba nasele mbunge yami kufupa ni kupolongoza ni mana yuma yeswe akulinga mushi lia malilu. Chize Zambi hakunjika kuli ana ja atu kuhondangana nacho, kumanyi chuma cha chinyengo wika.

Longeshi 1:3

Mutu yika akufumbula ku milimo yeswe yize akuhondangana nayo mushi lia tangwa?

Longeshi 12:7

mba fufuta muyihiluka ku mavu chizechene yapwile, ni Chizulie muchihiluka kuli Zambi yoze wachihanyine.

Longeshi 3:20

Eswe kakuya kuma kumuwika. Eswe ku fufuta akatukile ni eswe mahilukila ku fufuta cheka nawa.

Longeshi 5:15

Chiwatuhukile mu jimo lia naye uselesele chocho nawa maya; kechi kumbata chimwe cha ku milimo yenyi, chize mambata mu kwoko lienyi.

Daniel 12:2

Anji a waze akupomba tulo mu mavu a hashi kumakahinduka, amwe ku mwono wa mutolo, amwe ku sonyi ni sau lia mutolo.

1 Korintu 15:47

Mutu mutangu wa hashi, iye mukwa mavu: mutu wamuchiali iye wa mwilu.

Efesu 4:28

Yoze weyile kanda akeya nawa; alioze Shinaho akakilikite, akalinge yipema ni moko jenyi, hanga akapwe ni chize cha kulianyina ni yoze mahona.

1 Tesalonika 2:9

Mumu nunewuluka, mandumbu, kukilikita chetu ni kuhondangana chetu; nikulinga milimo ufuku ni mwalwa, hanga kutuchi kalemena kuli niumwe wa kuli yenu, twambujolele kuli yenu sango lipema lia Zambi.

2 A-TESALONIKA 3:10

Mumu chipwe muze twapwile hamwe ni yenu, chino twanwambile, ngwetu, Nyi umwe kazangile kulinga milimo, kanda alia.

Hebreu 9:27

Chizechene ngwe hanachitulikila atu eswe kufwa kamuwika, mba kulutwe lia chino upatwilo,