Ubutukilo 3:17 - MUKANDA USANDU WA ZAMBI 1975

¹⁷ Kuli Alama yamba ngwenyi, Mumu yena hiwatayiza liji lia mukwenupwo hiwalia ku mutondo uze nakukanjishile ngwami, Kanda uliako, mavu kanashingiwa ha mukunda wa yena. Mukaliako ni kuhondangana wika matangwa eswe a mwono we.

Mukanda Wa Zambi 1970

¹⁷ Yambila nawa Samutu ngwenyi: “Wabanjikanga mukwenu pwo ha kulia mihuko ya mutondo uze nakukanjishile ngwami, mavu kaashingiwa. Ha matangwa eswe a mwono we muukahondangana ni kulima, mba ukabwe ni yakulia.

Ubutukilo 3:17 Iomraidhean Croise

Ubutukilo 3:11

Zambi yamba ngwenyi, Iya wakulweza ngwenyi, Uselesele uli? Hiwalia ku mutondo uze nakukanjishile ngwami, Kanda uliako, nyi?

Ubutukilo 3:18

Mbimbo nawa ni mikalale muyikakusokela, mba mukalia yilimalima ya ha mavu.

Ubutukilo 3:6

Muze pwo yamona ngwenyi, Mutondo upema wa kulia, chikwo nawa unawaha ku meso, mutondo wa kuzanga hanga akapwe ni mana, yahelako mihuko, yalia. Yahana nawa kuli mukwo-lunga hamwe nenyi, neye yalia.

Ubutukilo 5:29

Yamuluka jina ngwenyi, Noe, mumu ngwenyi, Yono kumakatuwahisa ha milimo yetu ni kukilikita cha moko jetu mumu ha mavu aze Zambi washingile.

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Jobe 14:1

Mutu wa kusema kuli pwo kapwa wa matangwa akepe, a tò ni lamba.

Jobe 21:17

Ndeya ya chingulungulu kakuyijima kanji kanji? Kuji-ni-tomo kuliakwawana? Te Zambi kakwapangila yikola mu utenu wenyi?

Miaso (Masamu) 127:2

Chamokomoko kuli yena kulaula chimenemene, nikuhwima hakachi ka ufuku, nikutambula kulia cha kukilikita, mumu chocho kakuhana tulo kuli yoze wamuzanga.

Longeshi 2:11

Mba natalile ha milimo yami yeswe yize moko jami halinga, ni ha kuhondangana chami cheswe, kumanyi cheswe chapwile chamokomoko ngwe kuhanga ye fuji. Nichimwe chuma cha kufumbuka kuchishiko kushi lia tangwa.

Longeshi 2:17

Chocho mwono wangupihilile mumu milimo yeswe akulinga kushi lia tangwa kuli yami yapwa ya kulifwita nayo wika, se yeswe yapwa yamokomoko ngwe kuhanga ye fuji.

Longeshi 5:17

Matangwa jenyi eswe kanali mu milima nawa ni kulifwita ni kuyiza ni ufwatulo.

Mateu 22:12

Yamba kuli iye ngwenyi, Mukwetu, ngwe kuchi wanjilanga muno kushi uzalo wa ulungi? Alioze waholele.

Mateu 25:45

Hohene makaakumbulula ngwenyi, Pundu ngwami, Mumu te kunwachilingile kuli umwe wa kuli wano akepe ahiana eswe, kunwachilingile kuli yami.

Luka 19:22

Yamba kuli iye ngwenyi, Mu kanwa lia yena mwene mungukupatwila, ndungo mupi. Yena wanyingikine ngwe nguli mutu mukalu, nikwanda chize chatumbikile, nikucha chize chakuwile.

Yoano 16:33

Yino yuma hinahanjika kuli yenu, hanga muli yami nukapwe ni sambukila. Hano hashi munukapwa ni luyinda: alioze hamukenu chikolo; hingunakumbu hashi.

A-ROMA 3:19

Achi, tunanyingika yeswayo shimbi muyamba, muyihanjika kuli waze atwama kushi lia shimbi; hanga makanwa eswe akapakike, ni akwa hashi eswe akahie kuli Zambi:

Hebreu 6:8

Alioze kachi mema mbimbo ni mazo-a-lunoka, kachi mapwa amokomoko, mapwa hakamwihi ni shingo; songo lio kuwema.