Ubutukilo 3:16 - MUKANDA USANDU WA ZAMBI 1975

¹⁶ Kuli pwo yamba ngwenyi, Mungwokesa chikolo chinyengo che ni kwaka che. Musema ana ni yikola; mbunge ye muyipwa kuli mukwenu-lunga, iye kumakakuyula.

Mukanda Wa Zambi 1970

¹⁶ Mba yambila pwo ngwenyi: “Yibikalo yinji muukabwa nayo muze muukabwa ni ufumba, ni yikola yinji ha kusema. Hindu muukevwila lunga lie usona, neye makakuyula.”

Ubutukilo 3:16 Iomraidhean Croise

Ubutukilo 4:7

Nyi mulinga kanawa kechi kukutambula nyi? Alioze nyi kwalingile kanawa shili kuyinautama ku chikolo. Kuli yena anase mbunge yenyi mba yena mukamuyula.

1 Sango Ja Mianangana 4:9

Jabeze wapwile ni ulemu helu lia ayayo. Naye yamuluka jina Jabeze mumu ngwenyi, Ni chinyengo namusemene.

Estere 1:20

Mba muze mambujola mu chifuchi chenyi chinene shimbi yino ya mwanangana, mapwo eswe malemesa malunga jo, ni anene ni akepe.

Miaso (Masamu) 48:6

Kuchikima chaakwachile kwenako; kupinda ngwe kufumbajala cha pwo.

Izaya 13:8

makalishimwoka. Misongo ni yikola muyiakwata, ha kulifwita mapwa ngwe pwo mu kufumbajala. Makalitala umwe ni mukwo ni mwongo, meso jo ngengu.

Izaya 21:3

Kashika miongo yami yazala ni kupinda, misongo yangukwata, misongo ya pwo nikufumbajala. Ngunafumbama, kashika Chahashile kwivwa. Ngunalifwichi, kashika Chahashile kumona.

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Jeremia 13:21

Yika muwamba muze masa helu iia yena waze yena mwene waalongesele kupwa masepa je? Te kuchi kwivwa yikola, ngwe ya pwo mukwa kufumbajala?

Jeremia 22:23

Ena watwama ha Lebano nikusa chaswa che ku misedru muwiza kutwa mikuma muze misongo ye muyikuwana; yikola ngwe ya pwo mu kufumbajala.

Jeremia 4:31

Mumu ngunevu muteto ngwe wa pwo kanafumbajala, kulifwita ngwe umwe ha kusema mwana mutangu. Muteto wa mwana-pwo Zaione nikuhuza; kanazozo moko jenyi ngwenyi, Lamba liami, ngunalezumuka kumeso ja yingalwe.

Jeremia 49:24

Ndamaseku hahonga, halumuka akachine mumu mwongo hiwamukwata. Kulifwita ni kulinyenga chamukwata ngwe pwo ha kufumbajala.

Jeremia 6:24

Hitwevwa lufuma wacho, mba moko jetu kanazeye ni upekepeke. Kupinda hichatukwata; yikola ngwe ya pwo ha kufumbajala.

Kwalula 30:13

Yilakenyo yeswe ni mashingo eswe a kufwichisa mbunge, mukwo-lunga akayikolese, hanji mukwo-lunga akayijikile.

Yoano 16:21

Pwo muze masema mwana, mapwa ni chinyengo, mumu ola yenyi hiyeza, alioze muze mwana hasemuka, keshi kwiwuluka nawa luyinda, ha uwahililo te mutu hasemuka hano hashi.

1 Korintu 11:3

Alioze ngunazange yenu nunyingike we mutwe wa lunga ni lunga, Kristu; ni we mutwe wa pwo, lunga; ni mutwe wa Kristu, Zambi.

1 Korintu 14:34

Mapwo ahole mu yikungulwila, mumu kaatayijileko kuhanjika, alioze azeyele chizechene ngwe yinambe shimbi nawa.

1 Korintu 7:4

Pwo keshi chiyulo ha mujimba wenyi mwene, alioze mukwo-lunga: chizechene lunga keshi chiyulo ha mujimba wenyi mwene, alioze mukwo-pwo.

Kolosu 3:18

Yenu mapwo, zeyelenu kuli akwenumalunga ngwe chinatambe muli Mwene.

1 Tesalonika 5:3

Mumu muze mamba ngwo, Sambukila, kutwama kawape, hohene kwenyeka muchitulumuka hali ayo ngwe kufumbajala hali pwo yoze uli ni ufumba; no kechi komboka nichimwe.

1 Timoteu 2:13

Mumu ahangile kutanga Alama, kulutwe atangile Eva;

1 Timoteu 2:15

Alioze kumamulamwina ha kusema ana, kachi manyongonona mu Ufulielo, ni zango, ni usandu, hamwe ni mana.

Titu 2:5

Akwa mana, akwa kutoma, akwa kufunga mazuwo jo, apema, akwa kuzeyela kuli akwo-malunga, hanga kechi kashililika liji lia Zambi.