Ubutukilo 3:15 - MUKANDA USANDU WA ZAMBI 1975

¹⁵ Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Mukanda Wa Zambi 1970

¹⁵ Yena kapela ni pwo munukabwa akwa kole. Vungu lie ni vungu lia pwo mulikabwa akwa kole. Mulikafupa mana akukushihila ku mutwe, ni yena muukafupa mana akumusumina ku kashi jino.”

Ubutukilo 3:15 Iomraidhean Croise

Ubutukilo 49:17

Ndane makapwa kapela mu jila. Makapwa ngwe yenge mu jila, makasuma tujilolo twa kavwalu, mba mwenya kavwalu malimbukila kunyima.

Miaso (Masamu) 132:11

Chamwenemwene Yehova hanalishingi kuli David, kechi kutewulukako, ngwenyi, Wa kuli ana a kusema yena, mungusa ha ngunja ye.

Izaya 53:12

Kashika mungukamwanyina chihanda chenyi hamwe ni akwa ulemu. Yuma ya kupupa mu jita nawa kumakayanyina hamwe ni akwa tachi, mumu wazukwile mwono wenyi mu kutwa, amwalwile hamwe ni yitanguke; wambachile shili ya anji; wahakwilile yitanguke.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Jeremia 31:22

Ndo mwiji muka mukakashana, ena mwanami wa pwo mukwa mafwefwe? Mumu Yehova hatanga chuma chaha hano hashi. Pwo majingilika lunga.

Daniel 9:26

Kulutwe lia makumi asambano a semana ni semana jiali yoze amuwayishile ni maji mamutetaho, keshi nichimwe, mba atu ja mukwa kuyula yoze meza kwiza kumakonwona chihunda ni zuwo lisandu. Songo liayo mulikeza ngwe sanga; ndo ku songo kumukukapwa jita—hanaafunjikila kwenyeka wika.

Amose 9:3

Chipwe maswamina ha mbulwa mulundu wa Karmela kwenako mungukaafupa ni kwakwata. Chipwe manguswamina mu mashima a kalunga-lwiji mungukatuma kapela mba makaasuma.

Mika 5:3

Kashika kumakaakunjika ndo mwaka uze mukwa kufumbajala hasema. Henaho masalila ja usoko wenyi makahiluka kuli atu ja Izalele.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Mateu 1:25

alioze kapombele nenyi ndo te hasema mwanenyi mutangu wa lunga: wamulukile jina ngwenyi, Yesu.

Mateu 12:34

Enu, vungu lia yihili! ngwe kuchi munuhasa kuhanjika yipema se nuli yingulungulu? Mumu ku kulumbama cha mbunge kanwa mulihanjika.

Mateu 13:38

munda he hano hashi; mbuto yipema yino, ana a wanangana; mwambu wamokomoko ana a mwe mupi.

Mateu 23:33

Yenu tupela! vungu lia yihili! ngwe kuchi munwomboka ku upatwilo wa Ngehena.

Mateu 3:7

Alioze muze amwene anji a kuli A-Fwariseu ni A-Satuseu kaneza ku upapachiso wenyi, yamba kuli ayo ngwenyi, Yenu, vungu lia yihili, iya unakanutoweza kuchina utenu uze muwizaho?

Marku 16:18

O kumakanda tupela, nyi kachi manwa chuma chimwe cha kufwa, kuchichi kaalemeka nichimwe; kumakasayika moko jo hali mieji, o kumakahinduka.

Luka 1:76

Ewa, ni yena mwana, kumakakuvuluka ngwo, Profeta wa mwe Chitunda: mumu kumukaya kulutwe lia meso ja Mwene mukululika majila jenyi;

Luka 10:19

Hingunanwehe chiyulo cha kuliata ha tupela ni tuvwanda, ni helu lia tachi jeswe ja mukwa kole, mba nichimwe kuchichi kanulemeka nichimwe.

Luka 22:53

Muze napwile hamwe ni yenu tangwa ha tangwa mu tembele, kunwangukwachile: alioze ola yino niyenu, ni ya je tachi ja milima.

Luka 24:27

Iye nikuputuka ku mikanda ya Mose ni ya aprofeta eswe, walumbunwine kuli ayo mu yisoneko yeswe yuma ya kutwala kuli iye mwene.

Yoano 8:44

Yenu nuli a kuli tatenu Ndiapu, nwakuzanga kulinga usolo wa tatenu. Iye wapwile chingalwe chize ku uputukilo, kamanyine mu umwenemwene, mumu umwenemwene wakuhi muli iye, niumwe. Muze mahanjika mahuza, kanahanjika nichenyi mwene; mumu iye mukwa mahuza ni mwe tato ya mahuza.

Yilinga 13:10

wambile ngwenyi, Yena mwana Ndiapu, wa tò ni kalimbalimba mweswe ni uzazali weswe, mukwa kole ku ululi weswe, kusolo kulitwamina kuhengesa jila ja ululi ja Mwene, nyi?

A-ROMA 16:20

Alioze Zambi ya sambukila kumakafwenya Satana kushi lia yiliato yenu kamunomuno. Vumbi lia Mwene wetu Yesu Kristu likapwe hamwe ni yenu eswe. Amene.

A-ROMA 3:13

Miliwu yo yinapu fuka liawashi; ni malimi jo hanalingi ni kalimbalimba: utende wa yilengamuli kushi lia mivumbo yo uli.

Galashia 4:4

Alioze muze miaka yacha Zambi watumine Mwanenyi wa kusemuka kuli pwo, wa kusemuka kushi lia shimbi

Efesu 4:8

Kashika kanambe ngwenyi, Muze azezukile kwilu, wafungile funge anji, wahanyine yawana kuli atu.

Kolosu 2:15

Se hanapupu mawanangana ni yiyulo, waahepwishile kumeso ja atu eswe, nikwakumba nayo.

Hebreu 2:18

Mumu se iye mwene hanevu lamba, ha kumweseka, kanahase kukwasa waze anaeseka.

Hebreu 5:7

Mwenawo ha matangwa ja musunya wenyi hashi, se walambwile yilemba ni kuliumba hamwe ni kuteta cha ngolo ni masoji kuli yoze te wahasa kumulamwina ku kufwa; apanjikile kuli iye mumu ha uwayilo wenyi.

1 Yoano 3:10

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.

1 Yoano 5:5

Iya yoze makumba ya hano hashi shina yoze mafuliela ngwenyi, Yesu iye mwe Mwana Zambi?

Usolwelo 12:17

Ni ndragau watenukine ni pwo, wayile mukwasa jita ni masalila ja munyachi wenyi, waze akufunga shimbi ja Zambi, kanda waze ali ni Shindakenyo ya Yesu.

Usolwelo 13:7

Amuhelecho kwasa jita ni asandu, mukwakumba: amuhele poko helu lia minyachi yeswe, ni atu eswe, ni malimi eswe, ni mavungu eswe.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.

Usolwelo 20:10

Ni Ndiapu yoze waapiangwile amunyashine mu Chitende cha kahia ni fundanga, muze ali nawa ngongo ni profeta wa kwonga; kumakaamwesa lamba mwalwa ni ufuku ndo ku miaka yeswe ya mutolo.