Ubutukilo 3:14 - MUKANDA USANDU WA ZAMBI 1975

¹⁴ Yehova Zambi yamba kuli kapela ngwenyi, Mumu hiwalinga chuma chino kashika kuwashingiwa kuhiana yimuna eswe ni tushitu eswe a mu yambu. Ha jimo lie mukenda, ukalie fufuta matangwa eswe a mwono we.

Mukanda Wa Zambi 1970

¹⁴ Mba Mwene Zambi yambila kapela ngwenyi: “Ha chize hiwalinga, kuwashingiwa kuhiana yimuna yeswe ni tushitu eswe a mu yambu. Shingo lie lino, chize musono ndoo ku miaka yeswe muwendela ha jimo lie, muubwa ni kulia mavu.

Ubutukilo 3:14 Iomraidhean Croise

Ubutukilo 3:1

Achi kapela wakanyamine kuhiana tushitu eswe a mu yambu aze Yehova Zambi yatanga. Iye yamba kuli pwo ngwenyi, Kuma, Zambi hanambe ngwenyi, Kanda nukalia ku mitondo yeswe ya mu munda nyi?

Ubutukilo 4:11

Kashika haliapwila yena unashingiwa ku mavu aze hanapakula kanwa lio kutambula manyinga a mwanakwenu ku kwoko lie.

Ubutukilo 9:6

Mweswe mamwanga manyinga ja mutu neye mamumwanga manyinga jenyi kuli mutu. Mumu Zambi walingile mutu mu kulifwa chenyi.

Miaso (Masamu) 72:9

Akwa kutwama mu puya malihetamina kuli iye, akwa kole jenyi kumakalesa fufuta.

Izaya 29:4

Mba he hashi mukahanjika, mwe mushi mu fufuta maliji jenu makatuka. Liji lie mulikakatuka mu mavu ngwe liji lia mujimu, liji lie mulikalinongota mu fufuta.

Izaya 65:25

Kangunga ni mwana-panga makalia hamuwika, ndumba makalia mwambu ngwe ngombe. Fufuta muyikapwa kulia cha lunoka. Kechi kavwisa yikola hanji kwenyeka mweswe mu mulundu wami usandu. Chocho kanambe Yehova.

Alevi 20:25

Kashika munupatula hakachi ka kashitu mupema ni kashitu wa luchisa; hakachi ka kajila wa luchisa ni kajila mupema. Kanda nulichisa ni kashitu, hanji kajila, hanji akwa kukalala ha mavu aze hinajilika kuli yenu.

Mika 7:17

Kumakalesa fufuta ngwe tupela ngwe tushitu a kukalala hashi. Kumakatuhuka ku yihunda yo ya kukolesa nikuchikima; kumakatewulukila ni mwongo kuli Yehova Zambi yetu; kumakevwa woma ha mukunda wa yena.