Ubutukilo 3:1 - MUKANDA USANDU WA ZAMBI 1975

¹ Achi kapela wakanyamine kuhiana tushitu eswe a mu yambu aze Yehova Zambi yatanga. Iye yamba kuli pwo ngwenyi, Kuma, Zambi hanambe ngwenyi, Kanda nukalia ku mitondo yeswe ya mu munda nyi?

Mukanda Wa Zambi 1970

¹ Hakachi ka tushitu eswe waze atangile Mwene Zambi, kapela yabwa mukwa kukanyama kuhiana. Neye yahula pwo ngwenyi: “Kuma chamwenemwene Zambi kanakamba ngwenyi, kanda nulia ku mitondo ya mu munda, nyi?”

Ubutukilo 3:1 Iomraidhean Croise

Longeshi 4:10

Mumu nyi umwe malimbuka, mukwo mazundula mukwo. Alioze welo hali yoze mapwa ukawenyi muze malimbuka, keshi ni mukwo yoze mamuzundula.

Izaya 27:1

Ha tangwa lize Yehova ni katana kenyi mukalu ni munene, wa tachi, makafwetesa Leviatanu mwe lunoka wa kuzomboka, Leviatanu mwe lunoka wa kulikonyekakonyeka; makashiha mwe ndragau yoze watwama mu kalunga-lwiji.

Mateu 10:16

Nyingikenu, ngunanutumu ngwe mapanga hakachi ka tungunga: kanyamenu kashika ngwe tupela, alioze pwenu akwa kusamba ngwe tutele.

Mateu 4:3

Mukwa kweseka wejile nikwamba ngwenyi, Kachi yena uli mwe Mwana Zambi, amba mawe ano alumuke mbolo.

Mateu 4:6

yamba kuli iye ngwenyi, Kachi yena uli mwe Mwana Zambi, limbile hashi; mumu chinasonewa ngwo, Kumakahana shimbi kuli angelo jenyi ha kutwala kuli yena: ha moko jo kumakakumbata, kuchina muhukana chiliato che ku liwe.

Mateu 4:9

wambile kuli iye ngwenyi, Yino yuma yeswe mungukwaha, kachi mafulamana unguwayile.

2 Korintu 11:14

Achi kuchatushimine, mumu chipwe Satana kakulihipula ngwe mungelo wa pangu.

2 Korintu 11:3

Alioze ngunevu woma, kuchina ku chuma chimwe, chizechene ngwe kapela wongele Eva ni kalimbavuli kenyi, chocho mapihisa manyonga jenu ku kutuwika cha mbunge ni kulinanga chize chili kuli Kristu.

1 Petulu 3:7

Chizechene yenu malunga, twamenu hamwe no nikulita ni chinyingi, nikusela ulemu kuli pwo ngwe kuli chikwachilo chilelu, ngwe nuli maswana-ni-akwo ja vumbi lia mwono; hanga yilemba yenu kuyichi kalinjiwa.

Usolwelo 12:15

Ni kapela watuhwishile mu kanwa lienyi kunyima lia pwo meya ngwe lwiji, hanga akamuhungumune ku mihwiji.

Usolwelo 12:9

Ni ndragau munene amunyashine hashi, mwe kapela wa shakulu, jina lienyi ngwo, Ndiapu kanda Satana, mwe mukwa kupiangula yifuchi yeswe ya hashi; amunyashine ndo hashi, ni anyashine angelo jenyi hamwe nenyi hashi.

Usolwelo 20:2

Iye wakwachile ndragau, mwe kapela wa shakulu, mwenawo Ndiapu kanda Satana, wamukashile kanunu ka miaka.