Ubutukilo 29:4 - MUKANDA USANDU WA ZAMBI 1975

⁴ Yakomba yamba kuli ayo ngwenyi, Akwetu ku mahienu kulihi? O yamba ngwo, Tuli akwa Harane.

Mukanda Wa Zambi 1970

⁴ Yakoba yahula tufunga waze abwile ko ngwenyi: “Akwetu, ku mahienu kulihi?” Yaamukumbulula ngwo: “Ku Harane.”

Ubutukilo 29:4 Iomraidhean Croise

Ubutukilo 11:31

Mba Tera yatwala mwanenyi Apalama, ni Lote mwana wa Harane mujikulu wenyi, ni Serai tembwa-mwanenyi pwo lia mwanenyi Apalama. Yaya no akatuke ku chifuchi cha Ure wa Kaletea akaye ku chifuchi cha Kanana yeza ku Harane, yatwamako.

Ubutukilo 24:10

Mwe ndungo yanda kumi lia tumelu a ku tumelu ja kakó, yakatuka, se iye kali ni upite weswe wa kakó mu kwoko lienyi. Yakatuka, yaya ku Mesopotamia ku chihunda cha Nehore.

Ubutukilo 27:43

Kashika mwanami ivwa liji liami, katuka ukachinyine kuli ndumbwami Lapane mu Harane.

Ubutukilo 28:10

Yakomba yakatuka ku Mbia-shipa yatalikisa ku Harane.

Ubutukilo 29:3

Kwenako yendo yeswe ya mapanga yakungulukila. Yachiza liwe ku kanwa lia shima, yanwisa mapanga, yasa nawa liwe homa halio ha kanwa lia shima.

Yilinga 7:2

Eshetevau wambile ngwenyi, Mandumbu ni atata, ivwenu ngwami, Zambi ya uhenya wasolokele kuli kulwetu Apalahama, muze apwile mu Mesopotamia, shimbu kanda atwama mu Ha-rane,

Yilinga 7:4

Hohene wakatukile ku chifuchi cha A-Kaletea: watwamine mu Harane, ni muze te tato hafwa, Zambi wamututulwilileko ndo ku chifuchi chino, muno mwatwama yenu haliapwila: