Ubutukilo 29:35 - MUKANDA USANDU WA ZAMBI 1975

³⁵ Yaka ufumba nawa yasema mwana wa lunga. Yamba ngwenyi, Chisuho chino munguhalisa Yehova. Kashika yamuluka jina lienyi, Yunda. Yalitwamina kusema.

Mukanda Wa Zambi 1970

³⁵ Leya yaka nawa ufumba, yasema mwana mukwo wa lunga. Leya yamba ngwenyi: “Chisuho chino munguhalisa Mwene Zambi.” Kashika yamuluka jina ngwenyi, Yuda. Mba hikasemene ko nawa.

Ubutukilo 29:35 Iomraidhean Croise

Ubutukilo 30:9

Muze Liya hamona halitwamina kusema yanda Zelupa ndungo yenyi, yamuhana akapwe pwo lia Yakomba.

Ubutukilo 35:26

Ana ja Zelupa ndungo ya Liya, Ngate ni Ashe. Wano e ana a malunga a Yakomba asemukine kuli iye mu Panda-narame.

Ubutukilo 46:12

Ana ja Yunda wano; Ere, ni Onane, ni Shela, ni Pereze, ni Zera. Alioze Ere ni Onane afwile mu chifuchi cha Kanana. Ana ja Pereze wano; Hezerone, ni Hamuli.

1 Sango Ja Mianangana 5:2

Yunda wakumbile ayayo ni ana-akwo. Kuli iye kwatuhukile mukwa-kuyula, hindu wata wapwile wa José).

Ezekiel 48:7

Kulikaula ni chifuchi cha Rupene, chize ku Chivumbuko ndo ku Chitokelo, chihanda chimuwika, cha Yunda.

Kwalula 1:26

A-Yunda, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, eswe mahasa kuya ku jita:

Kwalula 34:19

Majina ja malunga wano: wa ku munyachi wa Yunda, Kalemba, mwana Yefune;

Mateu 1:2

Apalahama wasemene Izake; Izake wasemene Yakomba; Yakomba wasemene Yunda ni ayayo ni ana-akwo;

Shimbi 33:7

Ha kutwala kuli Yunda yamba ngwenyi, Yehova, ivwa kama liji lia Yunda, ukamunehe kuli atu jenyi. Ukamwashile jita ni moko je, ukamukwase kulimika ni akwa kole jenyi.