Ubutukilo 29:32 - MUKANDA USANDU WA ZAMBI 1975

³² Liya yaka ufumba, yasema mwana wa lunga, yamuluka jina lienyi Rupene se yamba ngwenyi, Mumu Yehova hamona kuyindama chami, haliapwila lunga liami manguzanga.

Mukanda Wa Zambi 1970

³² Leya yaka ufumba, yasema mwana wa lunga. Leya yamba ngwenyi: “Mwene Zambi hamona luyinda wami, haliabwila mukwetu lunga manguzanga kama.” Kashika yamuluka jina ngwenyi, Rubene.

Ubutukilo 29:32 Iomraidhean Croise

Ubutukilo 16:11

Mungelo wa Yehova yamba kuli iye nawa ngwenyi, Tala ufumba uli nawo. Kumukasema mwana wa lunga, ukamuluke jina lienyi, Ishemali, mumu Yehova hapanjika ku luyinda we.

Ubutukilo 29:31

Yehova yamona ngwe Liya kamuzangile kashika wamwaha kusema, alioze Rakele iye mumba.

Ubutukilo 31:42

Nyi kachi Zambi ya tata, Zambi ya Apalahama, woma wa Izake, kachi kapwile ni yami, pundu kachi wanguhumine mokomoko. Zambi hanamono lamba liami ni kuhondangana cha moko jami mba kakuhisanga musono.

Ubutukilo 35:22

Kwapwile shimbu Izalele Watwamine mu chifuchi chize Rupene yaya, yapomba ni Mbila *konkubina ya tato, mba Izalele yachivwa. Mba ana ja Yakomba te kumi ni aali.

Ubutukilo 35:23

Ana ja Liya, Rupene, mutangu wa Yakomba, ni Simeone, ni Levi, ni Yunda, ni Isaka, ni Zapulone.

Ubutukilo 37:29

Rupene yaya nawa ku wina, kuwana José keshimo. Kashika yapula mazalo jenyi.

Ubutukilo 42:22

Rupene yaakumbulula ngwenyi, Te chahanjikile ni yenu ngwami, Kanda nuvulumuna mwe mwana? Alioze kunusolo kupanjika. Kashika haliapwila kanatufwetesa ha manyinga jenyi.

Ubutukilo 42:27

Shimbu umwe hakachi ko hajitula njeke yenyi akahane kulia kuli chimbulu chenyi ha chipombelo, yamona mbongo jenyi, kumanyi kwilu mu njeke jili.

2 Samuel 16:12

Hanji Yehova matala ku chipi chino anangulingi, hanji Yehova mangukundulula chipema mumu ha matuka jenyi kuli yami musono.

1 Sango Ja Mianangana 5:1

Ana ja Rupene mwana mutangu wa Izalele (iye te mutangu alioze se achishile muhela wa tato ahanyine wata wenyi kuli ana ja José, mwana Izalele. Kechi kujichika miya nikulita ni wata.

Miaso (Masamu) 106:44

Hindu wanyongene luyinda wo muze evwile muteto wo.

Miaso (Masamu) 25:18

Nyonga kama ha yipikalo yami ni yikola yami, ungukonekene kama milonga yami yeswe.

Kutuhuka 3:7

Yehova yamba ngwenyi, Chamwenemwene hinamona luyinda wa atu jami ali mu Engitu. Hinevwa muteto wo mumu ha mukunda wa tupatashi two; ngunanyingika yinyengo yo.

Kutuhuka 4:31

E atu afulielele mba muze evwile ngwo, Yehova te hanangisa A-Izalele, hamona luyinda wo, hohene yahetamisa mitwe yo nikuwayila.

Ezekiel 48:6

Kulikaula ni chifuchi cha Eframe, chize ku Chivumbuko ndo ku Chitokelo, chihanda chimuwika, cha Rupene.

Kwalula 1:5

Majina a malunga makamana hamwe ni yenu wano: wa kuli Rupene, Elizure mwana Sedure;

Luka 1:25

Chocho Mwene hanalingi kuli yami, ha matangwa aze muze atalile hali yami mukuchiza luchoko yoze akungwamba hakachi ka atu.

Shimbi 26:7

Yituteta kuli Yehova Zambi ya tulamba twetu, Yehova yevwa liji lietu, yatala luyinda wetu, ni kuhondangana chetu, ni lamba lietu atumwesenelio.

Shimbi 27:13

Mba wano makamana ha mulundu wa Epale mukushinga; ni Rupene, ni Ngate, ni Ashe, ni Zapulone, ni Ndane, ni Napatali.

1 Samuel 1:11

Yalakenya chilakenyo ngwenyi, Yehova-wa-Tujita nyi chamwenemwene mutala luyinda wa yami kavumbi ke, uka-ngwiwuluke, kanda unguvulama yami kavumbi ke alioze ukangwehe mwana wa lunga, mungumuhana kuli Yehova ha matangwa eswe a mwono wenyi, kechi kasa tewula ku mutwe wenyi.

1 Samuel 1:20

Chocho ha mwaka wacho wakile ufumba, yasema mwana wa lunga, yamuluka jina lienyi Samuel mumu, ngwenyi, Namwichile kuli Yehova.