Ubutukilo 29:29 - MUKANDA USANDU WA ZAMBI 1975

²⁹ Lapane yahana kuli mwanenyi Rakele ndungo yenyi Mbila akapwe ndungo ya Rakele.

Mukanda Wa Zambi 1970

²⁹ Labane yahana nawa Bila, ndungo yenyi wa pwo ha kukwasa mwanenyi Rashele.)

Ubutukilo 29:29 Iomraidhean Croise

Ubutukilo 29:24

Lapane yahana ndungo yenyi wa pwo Zelupa kuli Liya akapwe ndungo yenyi.

Ubutukilo 29:28

Yakomba yalinga chocho, yamanununa semana yenyi, mba Lapane yamwaha mwanenyi Rakele akapwe pwo lienyi.

Ubutukilo 29:30

Yakomba yanjila kuli Rakele nawa. Yazanga Rakele kuhiana Liya kashika yamulingila milimo miaka yikwo shimbiali nawa.

Ubutukilo 35:22

Kwapwile shimbu Izalele Watwamine mu chifuchi chize Rupene yaya, yapomba ni Mbila *konkubina ya tato, mba Izalele yachivwa. Mba ana ja Yakomba te kumi ni aali.

Ubutukilo 35:25

Ana ja Mbila ndungo ya Rakele, Ndane ni Napatali.

Ubutukilo 37:2

Chisemuko cha Yakomba, chino; José, te kali ni kumi lia miaka ni miaka shimbiali, walishile mapanga hamwe ni ayayo. Iye wapwile kanuke hamwe ni ana ja Mbila ni ana ja Zelupa, mapwo ja tato. José wahetesele lufuma wo mupi kuli tato.

Ubutukilo 46:25

Wano te ana ja Mbila wahanyine Lapane kuli mwanenyi Rakele. Waasemene kuli Yakomba. Eswe apwa atu shimbiali.