Ubutukilo 28:20 - MUKANDA USANDU WA ZAMBI 1975

²⁰ Mba Yakomba yalakenya chilakenyo ngwenyi, Nyi Zambi mangufunga jila yeswe munguya akangwehe ya kulia, ni mazalo a kuzala,

Mukanda Wa Zambi 1970

²⁰ Mba Yakoba yalakenya ngwenyi: “Nyi Zambi makabwa hamwe ni yami ni kungufunga mu jila yino ngunende, nyi mangwaha yakulia ni mahina,

Ubutukilo 28:20 Iomraidhean Croise

Ubutukilo 28:15

Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga.

Ubutukilo 31:13

Yami mwe Zambi ya Mbetele, kuze wakwichile maji ha liwe lia kumika. Kuze walakenyene chilakenyo ni yami. Kashika katuka, uhichike chifuchi chino, uhiluke ku chifuchi che cha kusemukina.

Ubutukilo 35:3

tuyenu, tukandukenu ku Mbetele. Mungutungako chilumbilo kuli mwe Zambi wangukumbulwile ha tangwa lia lamba liami, wendele ni yami jila yize nayile.

2 Samuel 15:8

Mumu yami kavumbi kenu nalakenyene chilakenyo shimbu te ngunatwama mu Ngeshure mu Seria ngwami, Nyi Yehova manguhetesa nawa ku Yerusaleme chamwenemwene mba mungulingila Yehova.

1 Sango Ja Mianangana 4:10

Jabeze yatambika ha jina lia Zambi ya Izalele ngwenyi, Nguwahisenu pundu ni kutohesa njiza yami. Kwoko lie likapwe hamwe ni yami ungufunge ku yipi; kanda yinguvwisa chinyengo. Mba Zambi walingile chize wechile.

Miaso (Masamu) 116:14

Mungumanununa yilakenyo yami kuli Yehova, chipwe kumeso ja atu jenyi eswe.

Miaso (Masamu) 116:18

Mungumanununa yilakenyo yami kuli Yehova chipwe kumeso ja atu jenyi eswe;

Miaso (Masamu) 119:106

Hinalishinga, nachikolesa nawa, ngwami, Mungufunga upatwilo we wa ululi.

Miaso (Masamu) 132:2

Chize alishingile kuli Yehova nikulilakenya ni Mukwa-Ndundo wa Yakomba ngwenyi,

Miaso (Masamu) 22:25

Kuli yena kunakatuka uhaliso wami mu chikungulwila chinene, mungufweta yilakenyo yami kumeso ja waze akumuvwila woma.

Miaso (Masamu) 56:12

Zambi, yilakenyo ye yili hali yami. Mungukwaha milambu ya kusakwila.

Miaso (Masamu) 61:5

Mumu yena Zambi hiwevwa yilakenyo yami, hiwangwaha chihinga cha waze akuvwila woma jina lie.

Miaso (Masamu) 61:8

Chocho mungwimba uhaliso ku jina lie ku miaka ya mutolo, hanga ngukamanunune yilakenyo yami tangwa ha tangwa.

Miaso (Masamu) 66:13

Mungunjila mu zuwo lie ni milambu ya kulumba. Mungukufweta yilakenyo yami,

Miaso (Masamu) 76:11

Lilakenyenu, nufwete kuli Yehova Zambi yenu. Waze eswe anamujingilika anehe milambu kuli yoze watela kumuvwila woma.

Izaya 19:21

Mba Yehova kumakalisolola kuli A-Engitu, no manyingika Yehova ha tangwa lize. Mamuwayila ni yitapo ni milambu ya kulumba. Malilakenya ni shingo kuli Yehova, mba malinga yilakenyo yo.

Yoano 1:16

Mumu cha ku kulumbama chenyi yetu eswe hitunatambula, ni vumbi ha vumbi.

Yilinga 18:18

Paulu, se watwamine kulutwe lia chino hindu matangwa anji, washikile ni mandumbu, wendele mu ulungu ku Seria, ni hamwe nenyi Prisela ni Akwila; Paulu te wakambile mutwe wenyi mu Senekwea, mumu chilakenyo wapwile nacho.

1 Timoteu 6:8

Alioze nyi tuli ni ya kulia ni ya kuzala, chatutamba kuyuka nayo.

1 Samuel 1:11

Yalakenya chilakenyo ngwenyi, Yehova-wa-Tujita nyi chamwenemwene mutala luyinda wa yami kavumbi ke, uka-ngwiwuluke, kanda unguvulama yami kavumbi ke alioze ukangwehe mwana wa lunga, mungumuhana kuli Yehova ha matangwa eswe a mwono wenyi, kechi kasa tewula ku mutwe wenyi.

1 Samuel 1:28

Kashika ni yami nawa hinamuhana kuli Yehova. Ha matangwa eswe a mwono wenyi hinamuhana kuli Yehova. Mwe mwana wawayililileko Yehova.

1 Samuel 14:24

Malunga a Izalele alifwichile chikolo tangwa lize, mumu Saulu hasa shingo hali atu ngwenyi, Mweswe malia chimwe chuma ndo ngoloshi, ndo hinalikala hali akwa kole jami, ashingiwe! Kashika niumwe hakachi ka atu kalile nichimwe cha kulia.