Ubutukilo 28:18 - MUKANDA USANDU WA ZAMBI 1975

¹⁸ Yakomba yalimeneka, yanda liwe lize halitenga mushachilo, yalimika lipwe liwe lia kumika yazuza maji ha songo lialio.

Mukanda Wa Zambi 1970

¹⁸ Yakoba yalimeneka, yanda liwe lize atengele musau, yalimika ngwe chingina, yazujila ho maji.

Ubutukilo 28:18 Iomraidhean Croise

Ubutukilo 21:14

Apalahama yalimeneka, yanda mbolo ni tuku ya meya, yayihana kuli Hekare nikumutwikayo ha chipaya, ni mwe mwana, chocho yaakatwisa. Mba mwe pwo yaya nikwendangana mu puya ya Mbia-shipa.

Ubutukilo 22:3

Chocho Apalahama yalimeneka chimenemene, yalulika chimbulu chenyi, yatwala akweze jenyi aali hamwe nenyi, ni mwanenyi Izake. Yapula kunyi ja mulambu wa kulumba, yakatuka, yaya kuma kuze Zambi te hamulweza.

Ubutukilo 28:11

Yaheta kumwe, yapombako mumu tangwa hilianjila. Yanda limwe liwe liako, yashachilaho mutwe wenyi nikupomba kwenako.

Ubutukilo 31:13

Yami mwe Zambi ya Mbetele, kuze wakwichile maji ha liwe lia kumika. Kuze walakenyene chilakenyo ni yami. Kashika katuka, uhichike chifuchi chino, uhiluke ku chifuchi che cha kusemukina.

Ubutukilo 31:45

Mba Yakomba yanda luliwe, yalusa ngwe luliwe lwa kumika.

Ubutukilo 35:14

Mba Yakomba yamika liwe kuze Zambi wahanjikile nenyi liwe lia kumika. Yazujilaho mulambu wa kunwa, ni maji nawa.

Ubutukilo 35:20

Yakomba yamika liwe ha fuka lienyi. Liwe lia fuka lia Rakele kulili ndo musono.

2 Samuel 18:18

Shimbu te achili ni mwono Absalome halitungila kaposhi, kali mu mungulunga wa mwanangana. Mumu wambile ngwenyi, Chishi ni mwana wa lunga yoze mahasa kulindulula jina liami. Yaluka kaposhi jina lienyi, mba ndo musono kakumuvuluka ngwo, Kaposhi wa Absalome.

Miaso (Masamu) 119:60

Natambukile, chalalukile ha kufunga shimbi je.

Longeshi 9:10

Cheswacho moko je mawana kulinga, hilinga ni ngolo je jeswe, mu Shiole kuze unayi kukushi milimo, hanji manyonga, hanji chinyingi, hanji mana.

Izaya 19:19

Ha tangwa lize hakachi ka chifuchi cha Engitu kumukukapwa chilumbilo kuli Yehova, ni nguji limwe kuli Yehova he ha njiza.

Kwalula 7:1

Ha tangwa lize Mose te hamana kumika tabernakulu, hayiwayisa ni maji, hayisela ku usandu hamwe ni yikashi yeswe yayo, ni chilumbilo hamwe ni yikashi yeswe yacho hayiwayisa ni maji, hayisela ku usandu,

Yoshua 4:9

Yoshua yalumbika kumi lia mawe ni mawe aali mukachi ka Yordau, kuma kuze kwamanyine yiliato ya asasendote anambata mushete wa usendo. Kokwene kwali ndo musono.

1 Samuel 7:12

Henaho Samuel yanda liwe, yalimikina hakachi ka Mizepa ni Shene, yaliluka jina ngwenyi, Ebenezere, mumu ngwenyi, Ndo ku kuno Yehova hatukwasa.