Ubutukilo 28:16 - MUKANDA USANDU WA ZAMBI 1975

¹⁶ Mba Yakomba yalaula ku tulo twenyi, yamba ngwenyi, Pundu, Yehova kuno kwali, ami chachinyingikine.

Mukanda Wa Zambi 1970

¹⁶ Yakoba yalaula, yamba ngwenyi: “Haa puu! Chamwenemwene Mwene Zambi hano hali. Te chachinyingikine!”

Ubutukilo 28:16 Iomraidhean Croise

1 Yitanga Ya Mianangana 3:15

Solomone yalaula; kumanyi chapwile chilota. Iye yeza ku Yerusaleme; yamanyina kumeso ja mushete wa usendo wa Yehova; yalambula milambu ya kulumba, yalambula milambu ya sambukila. Yalinga chiteleka kuli akwa kumulingila eswe.

Jobe 33:14

Mumu Zambi kakuhanjika jila yimwe; nyi mutu kevwile mahanjika jila yikwo.

Jobe 9:11

Mangupalika chichi kumumona; maya lume, chamusele chinyingi.

Miaso (Masamu) 139:7

Kulihi munguchina Spiritu ye? Hanji kulihi munguchina kumeso je?

Miaso (Masamu) 68:35

Zambi, uli kole ni woma kuma kwe kusandu. Mwe Zambi ya Izalele kakuhana tachi ni ngolo kuli atu jenyi. Zambi afumane!

Kutuhuka 15:11

Yehova—hakachi ka tuzambi walita ni yena iya? Walita ni yena iya? Mulemu ni musandu—yena. Ha kukuhalisa, kole ni woma yena. Kuwakulinga yikomokeso.

Kutuhuka 3:4

Yehova yamona ngwe iye hajingako mukutala, mba Zambi yamutambika ni liji lia kutuhuka ku mungonga ngwenyi, Mose, Mose. Iye yatá ngwenyi, Yami uno.

Kutuhuka 3:5

Yehova yamba ngwenyi, Kanda ukundama kuno, zula haku je ku molu je, mumu homa unamana, ha mavu asandu.

Izaya 8:13

Alioze Yehova-wa-Tujita, iye mukamumona mwe musandu. Ukamuvwile woma iye; ukamuvwile mwongo iye.

Jeremia 31:26

Henaho nalawile, natalile; kumanyi tulo twami anguwahila.

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Yoshua 5:13

Muze te Yoshua ku Yeriku ali, yahetula meso jenyi kutala, kumanyi umwe tanga kanamana kumeso jenyi ni katana kenyi wa kutomona mu kwoko lienyi. Yoshua yakundama kuli iye ngwenyi, Ena uli ha sali lia yetu nyi uli ha sali lia akwa kole jetu?

Yoshua 5:15

Kapitau ka tujita twa Yehova yamba kuli Yoshua ngwenyi, Chiza haku je ku molu je mumu homaho unamana hasandu. Chocho Yoshua yalinga.