Ubutukilo 28:14 - MUKANDA USANDU WA ZAMBI 1975

¹⁴ Akwa munyachi we kumakapwa ngwe fufuta ya hashi, kumukalitanda ku Chitokelo, ni ku Chivumbuko, lumbu ni lumbu, mavungu eswe a hashi eswe kumakaawahisa kuli yena ni ku munyachi we.

Mukanda Wa Zambi 1970

¹⁴ Vungu lie maakabwa anji ngwe mavu. Maakalitanda ku chivumbuko ni ku chitokelo, ku norde ni ku sude. Mungukawahisa akwa hashi eswe mumu hali yena ni vungu lie.

Ubutukilo 28:14 Iomraidhean Croise

Ubutukilo 12:3

Waze makuwahisa mungwawahisa. Yoze makushinga neye mungumushinga. Muli yena mavungu eswe a hashi kumakaawahisa.

Ubutukilo 13:14

Muze Lote halihandununa kuli iye Yehova yamba kuli Apalama ngwenyi, Hetula meso je utale chize kuma kuno watwama ku Norte ni ku Sule ni ku Chivumbuko ni ku Chitokelo.

Ubutukilo 13:15

Mumu chifuchi chino cheswe unamono ngunakwehecho, ni kuli yena ni ku munyachi we ku miaka ya mutolo.

Ubutukilo 13:16

Chikwo nawa mungwokesa munyachi we ngwe fufuta ya hashi. Nyi mutu mahasa kwalula fufuta ya hashi mba chocho mahasa kwalula munyachi we.

Ubutukilo 18:18

Se Apalahama makapwa vungu linene lia tachi, mba mavungu eswe a hashi makaawahisa muli iye.

Ubutukilo 22:17

kuwahisa mungukakuwahisa; kwokesa mungukokesa munyachi we ukapwe ngwe matongonoshi a mwilu; ukapwe ngwe masekeseke a ha ngenge ya kalunga-lwiji. Munyachi we makazuka chajilo cha akwa kole je.

Ubutukilo 22:18

Mu munyachi we makawahisa mavungu eswe a hashi, mumu hiunononoka ku liji liami.

Ubutukilo 26:4

Mungukokesa munyachi we ngwe matongonoshi a mwilu. Ku munyachi we mungukahana yifuchi yino yeswe, mba mu munyachi we mavungu eswe a hashi makawaha.

Ubutukilo 32:12

Wambile ngwe, Pundu mungukakulinga yipema, mungukapwisa munyachi we ngwe masekeseke a kalunga-lwiji, kechi kuhasa kwaalula mumu anji.

Ubutukilo 48:16

Mwe mungelo hanangupulula ku yipi yeswe, akawahise wano akweze, Jina liami likapwe muli ayo, ni jina lia atata Apalahama ni Izake. Akoke ndo mapwa chihuji hashi.

Ubutukilo 48:19

Tato kasolo. Yamba ngwenyi, Ngunachinyingika mwanami, ngunachinyingika, iye nawa masema vungu, kumakapwa munene nawa, alioze mwanakwo mahiana, munyachi wenyi muukapwa mbunga ya mavungu.

2 Sango Ja Mianangana 1:9

Kashika, Yehova Zambi, kolesa chilakenyo che kuli tata David; mumu hiwangupwisa mwanangana wa vungu limwe liapwa ngwe fufuta ha kwoka.

Miaso (Masamu) 72:17

Jina lienyi kumulikalinduluka lia mutolo; jina lienyi kumulikalinduluka miaka yeswe tangwa mulikalinduluka. Atu eswe makaawahisa muli iye. Mavungu eswe makamuvuluka ngwo, Kawaha.

Kutuhuka 32:13

Iwuluka kama tuvumbi twe Apalahama, ni Izake, ni Izalele, kuli wano yena walishingile ni shingo ngwe, Kumungwokesa ana jenu ngwe matongonoshi a malilu. Chifuchi chino cheswe hinamba, kumungukachihana kuli ana jenu. O kumakachipita ndo ku miaka ya mutolo.

Izaya 54:3

Mumu mutanda ku chindume ni ku chimeso, ni ana je mazuka mavungu ni kuzalisa yihunda yize kuyishi atu.

Kwalula 23:10

Iya mahasa kwalula fufuta ya Yakomba? Hanji iya mahasa kuvuluka mutu ni mutu wa ku chihanda chimuwika cha ku yihanda yiwana ya kuli A-Izalele? Ngufwe ngwe mafwa mukwa ululi. Kusula-songo liami likapwe ngwe lia iye!

Mateu 8:11

Alioze ngunambe kuli yenu ngwami, Anji a ku Chivumbuko ni ku Chitokelo kumakeza, makatwama ku mesa hamwe ni Apalahama, ni Izake, ni Yakomba mu wanangana wa malilu.

Yilinga 3:25

Yenu nuli ana ja aprofeta ni ja usendo uze Zambi wakwachile ni tulamba twetu, nikwamba kuli Apalahama ngwenyi, Mu munyachi we majimo eswe a hashi kumakawaha.

Galashia 3:16

Achi, ahanjikile yilakenyo kuli Apalahama, ni ku munyachi wenyi. Kambile ngwenyi, Ku minyachi, ngwe kuli anji; alioze ngwe umuwika, ngwenyi, Kuli munyachi we, mwenawo Kristu.

Galashia 3:8

Che chisoneko, nikumona Shimbu-kanda ngwe Zambi makasambisa akwa mavungu ku Ufulielo, chambulwile Shimbu-kanda sango lipema kuli Apalahama, ngwo, Muli yena akwa mavungu eswe kumakawaha.

Efesu 1:3

Zambi kanda Tato ya Mwene wetu Yesu Kristu afumane, yoze hanatuwahisa ni yiwape yeswe ya uspiritu mu malilu muli Kristu:

Shimbi 12:20

Muze Yehova Zambi yenu hatohesa njiza yenu ngwe anulakenyene iye, mba munwamba ngwenu, Mutulia yifwo; mumu te nunazange kulia yifwo, nulie ye yifwo, nikulita ni chize munuzanga.

Shimbi 13:17

Niyimwe ya yuma yajila kanda nuyikwata ni moko jenu, hanga Yehova alumuke ku usasu wa utenu wenyi, anuvwile keke, anuvwile vumbi, anwokese, ngwe alishingile kuli tulamba twenu,

Usolwelo 7:4

Mba nevwile chize alwile waze aajikile ni Chijikilo ngwo, Kulakaji lia tununu, ni makumi awana a tununu, ni tununu awana, aajikile a ku minyachi yeswe ya ana ja Izalele.

Usolwelo 7:9

Kulutwe lia yino yuma, namwene, mbunga yinene, yize niumwe mahasa kwalula, a ku mavungu eswe, ni ku minyachi yeswe, ni kuli atu eswe, ni ku malimi eswe, kanamana kulutwe lia ngunja, ni kumeso ja mwe Mwana-panga, kanazala mahina a ngungu atoma, ni mitango ya mingaji mu moko jo;