Ubutukilo 27:41 - MUKANDA USANDU WA ZAMBI 1975

⁴¹ Esau wavwilile kole Yakomba mumu ha uwape uze tato hamuwahisa nawo. Yamba mu mbunge ngwenyi, Matangwa a kulila tata hakamwihi ali, mba mungushiha mwanakwetu Yakomba.

Mukanda Wa Zambi 1970

⁴¹ Esau yevwila kole Yakoba ha kuwahisa chize amuwahishile kuli tato. Yalinyonga mu mbunge yenyi ngwenyi: “Kwasala hakepe tulile tata. Nyi kulila hichahwa mungukashiha Yakoba.”

Ubutukilo 27:41 Iomraidhean Croise

Ubutukilo 27:42

Maliji a mwanenyi mukulwana Esau yaheta kuli Rebeka, kashika yatuma kusanyika mwanenyi kanuke Yakomba. Yamba kuli iye ngwenyi, Tala, yayenu Esau kanalilembejeka ha kutwala kuli yena, kanafupu kukushiha.

Ubutukilo 32:11

Ngunaliumbu, ungupulule ku kwoko lia yaya Esau, mumu woma ngunevu kuchina meza nikungupupa ni anaye hamwe ni ana.

Ubutukilo 32:3

Yakomba yatuma tunganda kulutwe kuli yayo Esau ku chifuchi cha Sere, kwe ku musenge wa Endome.

Ubutukilo 32:6

Tunganda yahiluka kuli Yakomba ngwo, Twaheta kuli yayenu Esau, iye kaneza mukukupatwiza ni makulakaji awana a malunga.

Ubutukilo 35:29

Mba Izake yasutuka, yafwa, yamutwala kuli tulamba twenyi, te mukulwana, matangwa hoka. Ana jenyi Esau ni Yakomba yamufunda.

Ubutukilo 37:18

O yamumona kusuku, mba shimbu kanda achiheta kuli ayo yamutwama punga akamushihe.

Ubutukilo 37:4

Muze ayayo hamona chize tato kanamuzange kuhiana ayayo eswe, amuvwilile kole. Kahashile kuhanjika nenyi ni sambukila.

Ubutukilo 37:8

Ayayo yamba kuli iye ngwo, Te yena mukatuyula, nyi? Te mukatuzeyesa, nyi? Mba amuvwilile kole kuhiana nawa, mumu ha yilota yenyi ni maliji jenyi.

Ubutukilo 50:15

Muze ayayo a José amwene tato hanafu ambile ngwo, Hanji José matuvwila kole nikutufwetesa chipi cheswe twamulingile.

Ubutukilo 50:2

Yatu ma ngamba jenyi ndotolo akase yitumbo hali tato kuchina mapola, mba ndotolo chocho yalinga kuli Izalele.

2 Sango Ja Mianangana 35:24

Kashika tuvumbi twenyi yamuchiza mu temba-lia-jita; yamusa mu temba lienyi likwo liamuchiali; yamuneha ku Yerusaleme. Yafwa, yamufunda mu mafuka ja tulamba twenyi; ni A-Yunda ni A-Yerusaleme eswe yalila Josia.

Miaso (Masamu) 142:3

Muze spiritu yami yalezumukine muchima, yena wanyingikine jila yami. Mu jila yize ngunende hanguswekela kambwila.

Miaso (Masamu) 35:14

Nalingile ngwe iye sepa liami, hanji mwanakwetu. Nahetamine nikulishimwoka ngwe yoze malila naye.

Miaso (Masamu) 37:16

Chize chikepe mukwa ululi ali nacho chahiana upite wa kulumbama wa yingulungulu anji.

Yishima 1:16

mumu molu jo kakutambuka ku yipi, kakulipupwisa kumwanga manyinga.

Yishima 18:19

Mukwenu nyi wamuvulumuna chikalu kuwana nenyi; kupupa limbo likolo chashi. Milonga yino yakala ngwe njalo ja mbonge.

Yishima 6:14

Kupiya chili mu mbunge yenyi; keshi kulitwamina kutaka chipi; kakukuwa vunda.

Longeshi 7:9

Kanda ulipupula mu mbunge kutenuka; mumu utenu kuwatwama mu mbunge ja yihepuke.

Ezekiel 35:5

Mumu wafungile kole ya mutolo; wahanyine A-Izalele ku tachi ja katana ha mwaka wa lamba lio, ha mwaka wa kastigu yo yasula,

Shimbi 34:8

A-Izalele yalilila Mose mu yana ya Moape makumi atatu a matangwa, chocho matangwa a kulila, a kwimbila Mose lungungu yahwa.

Titu 3:3

Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.