Ubutukilo 27:40 - MUKANDA USANDU WA ZAMBI 1975

⁴⁰ Kumukamona mwono ku tachi ja katana ke. Alioze kumukavumbika mwanakwenu. Hindu muze mukatusuka Mukalishatununa kanga yenyi ku kota ye.

Mukanda Wa Zambi 1970

⁴⁰ Muukabwa ni mwono ku tachi ja mukwale we. Muukalingila mwanakwenu. Alioze muze muukasa tachi, muukatusuka ku chiyulo chenyi.”

Ubutukilo 27:40 Iomraidhean Croise

Ubutukilo 25:23

Yehova yamba kuli iye ngwenyi, Mavungu aali atwama mu jimo lie, Minyachi yiali malihandununa chize ku jimo lie. Akwa munyachi umwe makumba akwa munyachi ukwo ni tachi. Mukulwana mavumbika kanuke.

Ubutukilo 27:29

Minyachi akakuvumbike. Mavungu akafulamane kuli yena. Ukapwe mwene helu lia usoko we. Ana ja noko akafulamane kuli yena. Mweswe makushinga neye akashingiwe, Mweswe makuwahisa neye akawahe.

Ubutukilo 32:6

Tunganda yahiluka kuli Yakomba ngwo, Twaheta kuli yayenu Esau, iye kaneza mukukupatwiza ni makulakaji awana a malunga.

Ubutukilo 33:9

Esau ngwenyi, Anji nguli no mwanakwetu, zukako chize uli nacho.

2 Samuel 8:14

Yasa maswalale mu Endome. Ndusu mu Endome mweswe yasa maswalale, mba A-Endome eswe yalumuka ngamba kuli David. Kweswako David yatalikisa Yehova yamwaha kukumba.

1 MIANANGANA 14:10

Chamwenemwene hiwakumba Endome mba mbunge ye hiyalifuza. Ulichichimieke nacho, alioze twama ku mahienu. Kuchi te mukalisupa ukalilemeke ukalimbuke, ni yena ni A-Yunda hamuwika?

1 MIANANGANA 14:7

Yashiha nawa mu Chikulo cha Mungwa kumi lia tununu twa A-Endome. Yatambula Sela ni jita; yaluka chihunda jina ngwenyi, Yokatele, ndo musono.

2 Sango Ja Mianangana 21:10

Kashika A-Endome yakatuka kushi lia chiyulo cha A-Yunda ndo musono. Henaho A-Libna o nawa yakatuka ku chiyulo chenyi, mumu te hanehuka Yehova, Zambi ya tulamba twenyi.

2 Sango Ja Mianangana 21:8

Ha matangwa jenyi A-Endome yakatukila A-Yunda nikulitongwela mwanangana wa ayo ene.

2 Sango Ja Mianangana 28:17

Mumu chipwe A-Endome yeza, yalamba A-Yunda ni kukwata funge.

Miaso (Masamu) 60:8

Moape mbasia yami ya kusanyina. Kuli Endome mungumbila luhaku wami. Helu lia Filistea mungukalumioka ha kukumba.

Mateu 10:34

Kanda nukashinginyeka ngwe nejile mukuneha sambukila hano hashi: chejile mukuneha sambukila alioze katana.