Ubutukilo 27:33 - MUKANDA USANDU WA ZAMBI 1975

³³ Mba Izake yachikima kuhiana, yamba ngwenyi, Mba iya yoze handa yifwo, hangunehenayo? Hinayilia shimbu yena kanda wiza, hinamuwahisa, pundu kumakawaha.

Mukanda Wa Zambi 1970

³³ Isake yabutuka kuchikima nganganga, ngwenyi: “Mba iya yoze wangushihila yifwo, hangunehena yo kuno? He haliabwila lume nayilia muze kanda uchiheta! Mba hinamuwahisa kulu. Kumakawaha ndoo ku miaka yeswe, chahashile kuchichiza nawa.”

Ubutukilo 27:33 Iomraidhean Croise

Ubutukilo 25:23

Yehova yamba kuli iye ngwenyi, Mavungu aali atwama mu jimo lie, Minyachi yiali malihandununa chize ku jimo lie. Akwa munyachi umwe makumba akwa munyachi ukwo ni tachi. Mukulwana mavumbika kanuke.

Ubutukilo 27:35

Alioze iye ngwenyi, Mwanakwenu haneza ni kalimba-limba, yatambula uwape we.

Ubutukilo 28:1

Chocho Izake yasanyika Yakomba, yamuwahisa, yamwaha shimbi ya kwamba kuli iye ngwenyi, Kanda utambula pwo wa hakachi ka ana ja A-Kanana.

Jobe 21:6

Ha kuchinyonga changukolesa mwongo; kunakuchikima mu mujimba weswe.

Jobe 37:1

Ha chikuma chino mbunge yami kuyakuchikima; kuyakutumbuka kuma kwayo.

Miaso (Masamu) 55:5

Woma ni kuchikima hiyanguholokela. Mwongo hiwanguzemukina.

Kwalula 23:20

Hinatambula shimbi ya kuwahisa. Iye hanawahisa, yami chichi kuhasa kuchalumuna.

Yoano 10:10

Mwiji keshi kwiza shina ha kwiya, akashihe, akonwone: yami nejile hanga akapwe ni mwono, hanga akapwe nawo wa kulumbama.

A-ROMA 11:29

Mumu yawana ya vumbi ni kutambika cha Zambi keshi kulikonyekayo.

Efesu 1:3

Zambi kanda Tato ya Mwene wetu Yesu Kristu afumane, yoze hanatuwahisa ni yiwape yeswe ya uspiritu mu malilu muli Kristu:

Hebreu 11:20

Ku Ufulielo Izake wawahishile Yakomba ni Esau, ha kutwala ku yuma yize muyizaho.