Ubutukilo 27:28 - MUKANDA USANDU WA ZAMBI 1975

²⁸ Zambi akwehe mume wa mwilu, Ni maji a hashi, Ni kulumbama cha chivwale ni vinyu.

Mukanda Wa Zambi 1970

²⁸ Zambi akakwehe mume wa kwilu, ni chinuno cha hashi. Akakwehe mbuto ni vinyu yinji.

Ubutukilo 27:28 Iomraidhean Croise

Ubutukilo 27:37

Izake yamba kuli Esau ngwenyi, Hinamupwisa mwene we, usoko wenyi eswe akapwe ngamba jenyi. Namukolesa ni chivwale ni vinyu. Kashika kuchi mungukulinga yena mwanami?

Ubutukilo 27:39

Tato Izake yamukumbulula, yamba ngwenyi, Ku maji a hano hashi mukatwama, Ku mume wa mwilu nawa.

Ubutukilo 45:18

Nukasake tatenu ni akwa mazuwo jenu, nukeze kuli yami, mba mungukanwaha ye yipema ya chifuchi cha Engitu. Munukalia ya maji a mu chifuchi.

Ubutukilo 49:20

Kulia cha Ashe muchikapwa cha kulumbama. Neye makahana kulia cha mianangana.

Ubutukilo 49:25

Kwe kuli Zambi ya tatenu yoze makakukwasa. Kuli mwe Mukwa-Ndundo-Jeswe yoze makakuwahisa ni yiwape ya mwilu, ni yiwape ya kalunga-lwiji watwama kushi. Ni yiwape ya mele, ni yiwape ya jimo.

2 Samuel 1:21

Enu, milundu ya Ngilboa, chipwe mume chipwe vula kanda yikapwila hali yenu, chipwe minda ya milambu, ka. Mumu kwenako lukepwe wa akwa ndundo wapihile, lukepwe wa Saulu, ngwe kamuwayishile ni maji.

1 Yitanga Ya Mianangana 17:1

Eliya Ka-Tishibe wa hakachi ka njize ja mu Ngiliate yamba kuli Ahabe ngwenyi, Ni mwono wa Yehova Zambi ya Izalele yoze nakumana kumeso jenyi, kukuchi kapwa mume hanji vula ha miaka yino ndo ni liji liami.

1 Yitanga Ya Mianangana 5:11

Solomone aye yahana kuli Hirame makumi aali a tununu twa njongo ja tiliku kulia cha akwa zuwo lienyi, ni makumi aali a njongo ja maji apema. Yenayo Solomone ahanyine kuli Hirame mwaka ha mwaka.

2 Sango Ja Mianangana 2:10

Mba munguhana kuli ngamba j e akwa kuteta mitondo, makumi aali a tununu twa njongo ja tiliku ya kundonda, ni makumi aali a tununu twa sevada, ni makumi aali a tununu twa *mbate ja vinyu, ni makumi aali a tununu twa mbate ja maji.

Miaso (Masamu) 104:15

ni vinyu yiza ya kuwahisa mbunge ya atu, ni maji a kulejimisa meso jenyi, ni kulia cha kutakamisa mbunge yenyi.

Miaso (Masamu) 133:3

Ngwe mume wa ha Hermone, uze wakutuchika ha milundu ya Zaione. Mumu kuze kwene Yehova watumine uwape wa mwono ku miaka ya mutolo.

Miaso (Masamu) 36:8

Kumayuka liakulu ni maji a mu zuwo lie, ni yena kumwanwisa a ku lwiji wa yiwape ye.

Yishima 19:12

Ufwatulo wa mwanangana wapwa ngwe kuhiohia cha ndumba; alioze vumbi lienyi liapwa ngwe mume ha mwambu.

Yishima 3:20

Ku yinyingi yenyi jondo jajikukile ni malilu kakunoka mume.

Izaya 45:8

Enu malilu nokesenu kwilu! Kwilu ako! Zukulenu ululi! Ni hashi hapakuke hanga ulamwino usoke, ni ululi ukatatukileko nawa, Yami Yehova nachitangile.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Joele 2:19

Yehova yakumbulula atu jenyi ngwenyi, Mungunutuma mbuto, ni vinyu, ni maji, nukakute nayo. Chichi kutá nukasauke nawa hakachi ka mavungu.

Mika 5:7

Henaho masalila ja Yakomba makapwa hakachi ka mavungu anji ngwe mume wa kuli Yehova; ngwe vula ha mwambu yoze kazeyele kuli atu chipwe kutwaminyina atu.

Zakaria 8:12

Mumu kumukukapwa mbuto ya sambukila ni kuwaha; Mitondo ya uva muyikema mihuko, ni mavu makahana mbuto yako, ni malilu makahana mume wako, mba mungukayukisa masalila ja vungu lino ni yuma yino yeswe.

Zakaria 9:17

Ewa muchikapwa chipema, cha uhenya. Mbuto muyikawahisa akweze ni vinyu yaha muyikawahisa ana-mapwo.

Kwalula 13:20

Ni chize chipwa chifuchi, nyi shina mavu jacho anawaha, nyi shina haseka; kutala nyi mitondo yilimo nyi ka. Hamukenu, nunehe mihuko yimwe ya mu chifuchi. Mwaka wacho te mwaka wa kuhela uva yitangu kuhia.

Kwalula 18:12

Maji eswe apema ahiana, ni vinyu yeswe yipema yahiana, ni ya mbuto, ye mihuko yitangu mayilambula kuli Yehova, hingunakweheyo yena.

A-ROMA 11:17

Achi, kachi mitango yimwe ayipatwileho, ni yena, se uli olevwe wa mu yambu, akunungine hakachi ko, hiwapwa mukwa kuhangana ni mukwo hamwe no ha muji ni maji ja olevwe;

Shimbi 32:2

Longeso liami likasotoke ngwe vula, kuhanjika chami chikapwe ngwe mume, ngwe vula wa kuwayangila ha mwambu wovu, ngwe vula wa chehu ha yiputa.

Shimbi 33:13

Ha kutwala kuli José yamba ngwenyi, Yehova akawahise chifuchi chenyi, ni yawana ya mwilu yize yahiana kupema, ni ya mume, ni ya meya atwama kushi.

Shimbi 33:28

Chocho Izalele makatwama kawape ukawenyi. Fuji lia Yakomba makatwama mu chifuchi cha mbuto ni vinyu, mba malilu jenyi makamwaha mume.

Shimbi 7:13

Iye manuzanga yenu, makanuwahisa, makanwokesa. Iye makawahisa nawa ana a ku mijimba yenu, ni mbuto yakusoka ha mavu jenu, ni mbuto yenu, ni vinyu yenu, ni maji jenu, ni kwoka cha yimuna jenu, ni ana ja mapanga jenu, mu chifuchi alishingile iye kuli tulamba twenu kunwahacho.

Hebreu 11:20

Ku Ufulielo Izake wawahishile Yakomba ni Esau, ha kutwala ku yuma yize muyizaho.

Yoshua 5:6

Mumu A-Izalele endele makumi awana a miaka mu puya ndo lie vungu lieswe, e matanga eswe a jita afwile, waze akatukile ku Engitu, mumu kapanjikile ku liji lia Yehova. Kuli ayo Yehova walishingile ngwenyi, Kunuchi kumona chifuchi chize Yehova walishingile kuli tulamba twenu kuhana kuli yenu, chifuchi kuze kunokela yamwa ni wuchi.