Ubutukilo 27:2 - MUKANDA USANDU WA ZAMBI 1975

² Tato yamba ngwenyi, Haliapwila napwa mukulwana, Chanyingikine tangwa lia kufwa chami.

Mukanda Wa Zambi 1970

² Isake ngwenyi: “Unamono, hinabwa kulu kashinakaji, ni Chanyingikine tangwa lize mungufwa.

Ubutukilo 27:2 Iomraidhean Croise

Ubutukilo 27:3

Kashika ngunaliumbu, anda mivu ye, ni chindalo che, ni uta we, yako mu yambu ukangushihile yifwo.

Ubutukilo 47:29

Mba miaka hiyaheta ya kufwa cha Izalele. Yasanyika mwanenyi José, yamba kuli iye ngwenyi, Nyi hinawana vumbi kumeso je sako kama kwoko lie kushi lia shina lia kulu liami ulilakenye kulinga kuli yami ni utu ni umwenemwene; ngunalembe, kanda ungufunda mu Engitu.

Ubutukilo 48:21

Mba Izalele yamba kuli José ngwenyi, Tala mu kufwa nguli, alioze Zambi kumakapwa hamwe ni yena, kumakakuneha ku chifuchi cha atatenu.

Yishima 27:1

Kanda ulisambila tangwa lia hamene mumu kwanyingikine chize tangwa limuwika mulineha.

Longeshi 9:10

Cheswacho moko je mawana kulinga, hilinga ni ngolo je jeswe, mu Shiole kuze unayi kukushi milimo, hanji manyonga, hanji chinyingi, hanji mana.

Izaya 38:1

Ha matangwa aze Hezekia wayijile, wapwile hakamwihi ni kufwa. Mba profeta Izaia mwana Amoze yeza kuli iye nikwamba ngwenyi, Yehova kanambe ngwenyi, Lulika zuwo lie, mumu kumuofwa, kuchi kumona mwono.

Izaya 38:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

Marku 13:35

Lenu kashika: mumu kunwanyingikine muze mwenya zuwo meza, shina chingoloshi, shina ha muchima ufuku, shina ha kutambika ndemba, nyi shina chimenemene:

Tiangu (Jake) 4:14

Alioze kunwanyingikine chize muchipwa ha tangwa lia hamene. Mwono wenu kuchi upwa? Unapu chishichishi, chize muchisoloka ha shimbu likepe ni kulutwe muchanduluka.

1 Samuel 20:3

Alioze David yalishinga ngwenyi, Tatenu kananyingika kanawa hinawana vumbi kumeso je kashika kananyongo ngwenyi, Jonatas kanda anyingika chino, kuchina mevwa kupiha. Alioze pundu, ni mwono wa Yehova ni mwono wa yena shimbo yimuwika yili hakachi ka yami ni kufwa.