Ubutukilo 27:13 - MUKANDA USANDU WA ZAMBI 1975

¹³ Naye ngwenyi, Mwanami, shingo lie likapwile hali yami. Ononoka ku liji liami, yako unguneheno.

Mukanda Wa Zambi 1970

¹³ Naye ngwenyi: “Mwanami, Shingo lize libwe hali yami. Alioze yena, linga chize ngunakwambe, yako ungunehene pembe aali.”

Ubutukilo 27:13 Iomraidhean Croise

Ubutukilo 25:23

Yehova yamba kuli iye ngwenyi, Mavungu aali atwama mu jimo lie, Minyachi yiali malihandununa chize ku jimo lie. Akwa munyachi umwe makumba akwa munyachi ukwo ni tachi. Mukulwana mavumbika kanuke.

Ubutukilo 25:33

Yakomba yamba ngwenyi, Uliange kulishinga kumeso jami. Chocho yalishinga kuli iye; yalanjisa wata wenyi kuli Yakomba.

Ubutukilo 27:14

Iye yaya yaasaka, yaaneha kuli naye. Mba naye yateleka kulia chiyema chize azangile tato.

Ubutukilo 27:43

Kashika mwanami ivwa liji liami, katuka ukachinyine kuli ndumbwami Lapane mu Harane.

Ubutukilo 27:8

Kashika mwanami, ononoka ku liji liami nikulita ni chize mungukutuma.

Ubutukilo 43:9

Yami mungupwa chifungo hali iye, ku kwoko liami muwiza kumuhula. Nyi chamunehene nawa kuli yena ngukakukunjikileye mba mulonga upwe niwami wa mutolo.

2 Samuel 14:9

Pwo wa ku Tekoa yamba kuli mwanangana ngwenyi, Mwene wami mwanangana! Uhenge ukapwe hali yami ni hali munyachi wa tata, mwanangana akasambe ni ngunja yenyi.

2 Sango Ja Mianangana 22:3

Wendele nawa mu ndako ja munyachi wa Ahabe, mumu naye wamulongesele kulinga ungulungulu.

Mateu 27:25

Atu eswe akumbulwile, ngwo, Manyinga jenyi akapwe hali yetu ni hali ana jetu.

1 Samuel 25:24

Yafulamana ku yiliato yenyi nikwamba ngwenyi, Mwene wami, we uhenge ukapwe hali yami wika. Ngutayize kama, yami kavumbi kenu, nguhanjike mu matwi jenu. Panjikenu kama ku maliji a yami kavumbi kenu.