Ubutukilo 26:5 - MUKANDA USANDU WA ZAMBI 1975

⁵ Mumu Apalahama wononokene ku liji liami, wafungile shiko liami, ni shimbi jami, ni yiyulo yami, ni yilakenyo.

Mukanda Wa Zambi 1970

⁵ mumu Abrahama wangwononokenene, wafungile Shimbi jami.”

Ubutukilo 26:5 Iomraidhean Croise

Ubutukilo 12:4

Chocho Apalama yakatuka ngwe Yehova yamwamba. Lote yaya hamwe nenyi. Apalama yapwa ni makumi shimbiali a miaka ni miaka yitano muze yakatuka ku Harane.

Ubutukilo 17:23

Mba Apalahama yatwala mwanenyi, Ishemali ni waze eswe asemukine mu zuwo lienyi, ni waze eswe a kulanda ni mbongo, malunga eswe hakachi ka atu a ku zuwo lia Apalahama, yaapwisa eswe ngalami mu musunya wo tangwa lioliene ngwe Zambi hamwamba.

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Ubutukilo 22:16

Hinalishinga ni jina liami mwene, chocho anambe Yehova ngwenyi, Mumu walinga chuma chino, kwanguminyine mwané, mwe wa wika;

Ubutukilo 22:18

Mu munyachi we makawahisa mavungu eswe a hashi, mumu hiunononoka ku liji liami.

Ubutukilo 26:6

Izake Watwamine mu Ngerare.

Mateu 5:19

Kashika mweswawo matangula limuwika lia ku maliji ano akepe ahiana eswe a shimbi, malongesa atu chocho, kumakamuvuluka ngwo, Mukepe Wahiana eswe mu wanangana wa malilu: alioze mweswawo nwalinga, nikwalongesa, mwenawo kumakamuvuluka ngwo, Munene mu wanangana wa malilu.

Mateu 7:24

Kashika mweswawo mevwa wano maliji jami, nyi maalinga, kumamupwisa ngwe mukwa kukanyama yoze watungile zuwo lienyi ha liwe:

1 Korintu 15:58

Kashika, mandumbu jami a zango, jikizenu, kanda nukokoloka, nukahiane matangwa eswe mu milimo ya Mwene, mumu te nunanyingika, kukilikita chenu hi chamokomoko ko muli Mwene.

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

Hebreu 11:8

Ku Ufulielo Apalahama, muze amutambikile, wononokene kukatuka mukuya kuma kuze matambula ha chihinga; mba wakatukile, chipwe kanyingikine kuze maya.

Tiangu (Jake) 2:21

Te kasambishile kulwetu Apalahama ku yitanga muze alambwile mwanenyi Izake ha chilumbilo, nyi?