Ubutukilo 26:3 - MUKANDA USANDU WA ZAMBI 1975

³ Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Mukanda Wa Zambi 1970

³ Twama hano, mungubwa hamwe ni yena, mungukuwahisa. Mungukwaha chifuchi chino cheswe, yena ni vungu lie. Mungukakolesa Shingo lize nalishingile ni tatenu Abrahama.

Ubutukilo 26:3 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 13:15

Mumu chifuchi chino cheswe unamono ngunakwehecho, ni kuli yena ni ku munyachi we ku miaka ya mutolo.

Ubutukilo 13:17

Katuka wendese chifuchi ndusu, ni ku usuhe wacho ni ku utohe wacho mumu ngunakwehecho yena.

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

Ubutukilo 17:19

Zambi yamba ngwenyi, Hi chocho ko, alioze mukwenu-pwo Sara makusemena mwana wa lunga. Ukamuluke jina Izake, mba mungukolesa nenyi usendo wami ukapwe usendo wa mutolo ku munyachi wenyi kulutwe.

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Ubutukilo 20:1

Apalahama yakatuka kuze yatalikisa ku chifuchi cha Negeve, yatwama hakachi ka Kandeshe ni Shure. Chocho atwamine njize ku Ngerare.

Ubutukilo 25:11

Kulutwe lia kufwa cha Apalahama Zambi wawahishile mwanenyi Izake. Izake Watwamine ku Mbia-ha-rohi.

Ubutukilo 26:12

Izake yalima mu chifuchi chize, yacha mwaka uze wene ha chimuwika kulakaji, ha chimuwika kulakaji. Yehova yamuwahisa,

Ubutukilo 26:14

Te kali ni upite wa mapanga ni ngombe ni akwa zuwo lienyi anji, mba A-Filistea yamuvwila chipululu.

Ubutukilo 26:24

Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Ubutukilo 28:13

Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

Ubutukilo 28:15

Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga.

Ubutukilo 31:3

Yehova yamba kuli Yakomba ngwenyi, Hiluka ku chifuchi cha atatenu ni usoko wenu, mba mungupwa hamwe ni yena.

Ubutukilo 35:12

Chifuchi nahanyine kuli Apalahama ni kuli Izake, munguchihana kuli yena ni ku munyachi we kulutwe lie.

Ubutukilo 39:2

Yehova wapwile hamwe ni José, iye wapwile ni somo watwamine mu zuwo lia kakó mwe Ka-Engitu.

Ubutukilo 39:21

Alioze Yehova Watwamine hamwe nenyi. Wamuwahishile nikumwaha vumbi kuli mwe kalayi ka zuwo lia ususu.

Ubutukilo 48:21

Mba Izalele yamba kuli José ngwenyi, Tala mu kufwa nguli, alioze Zambi kumakapwa hamwe ni yena, kumakakuneha ku chifuchi cha atatenu.

Ubutukilo 50:24

Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba.

1 Sango Ja Mianangana 16:16

Usendo uze akolesele ni Apalahama, ni liji lienyi lia kulishinga kuli Izake.

Miaso (Masamu) 105:8

Iye kakwiwuluka usendo wenyi ku miaka ya mutolo; kakwiwuluka liji lize ambile ndo ku kanunu ka yisemuko.

Miaso (Masamu) 105:9

Usendo uze akolesele ni Apalahama, ni liji lienyi lia kulishinga kuli Izake.

Miaso (Masamu) 32:8

Mungukufumba, mungukulongesa jila yize muwendelamo. Mungukwaha mana nikukutala ni liso liami.

Miaso (Masamu) 39:12

Yehova, wivwe kama kulemba chami. Panjika ku muteto wami. Kanda uhola ha kumona masoji jami mumu nguli chilambala kuli yena, nguli ngeji ngwe akaka eswe.

Kutuhuka 2:24

Zambi wevwile mikuma yo. Zambi yewuluka usendo wenyi uze akolesele ni Apalahama ni Izake ni Yakomba.

Kutuhuka 3:12

Zambi yamba ngwenyi, Chamwenemwene kumungukapwa ni yena. Chino chinyingi muchipwa kuli yena cha kukulweza te yami ngunakutumu ngwami, Muze mukachiza e atu ku Engitu, munukavumbika Zambi ha mulundu uno.

Kutuhuka 6:4

Nakolesele no usendo wami mukwaaha chifuchi cha Kanana, chifuchi cha unjize wo kuze atwamine njize.

Kutuhuka 6:7

Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu.

Kutuhuka 6:8

Kumakanuhetesa ku chifuchi chize washingile ngwenyi, Mungukachihana kuli Apalahama ni kuli Izake ni kuli Yakomba. Mungukanwahacho chihinga. Yami Yehova.

Izaya 43:2

Ha kupalika mu meya mungukapwa hamwe ni yena, ndusu mu njiji, kujichi kakukumba. Ha kwenda mu kahia kuchi kawema; mulengi wako kuuchi kakulalisa.

Izaya 43:5

Kanda wivwa woma mumu nguli hamwe ni yena. Munguneha ana je ku Chivumbuko, ni ku Chitokelo mungukukonga.

Mika 7:20

Kumukapwa mukwa jika kuli Yakomba; kumukasolola utu wa zango kuli Apalahama ngwe walakenyene kuli tulamba twetu chize ku matangwa a shakulu.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Shimbi 1:8

Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Shimbi 34:4

Yehova yamba kuli iye ngwenyi, Chifuchi chino nalishingile kuli Apalahama, ni kuli Izake, ni kuli Yakomba, ngwami, Mungukachihana kuli ana jenu. Hinakumwesacho ku meso je, alioze kuchi kazauka nikuyako.

Filipu 4:9

Yuma yize anulongesele, yize nwatambwile, yize nwevwile, yize nwamwene muli yami, yino yuma lingenu; ni Zambi ya sambukila makapwa hamwe ni yenu.

Hebreu 11:9

Ku Ufulielo watwamine ngwe chilambala mu chifuchi cha chilakenyo, ngwe mu chifuchi cha mbala, nikutwama mu mbalaka hamwe ni Izake ni Yakomba, maswana hamwe nenyi a chilakenyo chimuwika:

Hebreu 6:17

Muze mwene Zambi nikuzanga kulweza kuhiana chikolo kuli maswana ja chilakenyo, ngwe upale wenyi kuushi kuhasa kwalumuka, wachikolesele ni shingo.