Ubutukilo 26:28 - MUKANDA USANDU WA ZAMBI 1975

²⁸ O yamba ngwo, Hitwamona pundu ngwetu, Yehova kwali hamuwika ni yena. Kashika twamba ngwetu, Tukalikunde ni shingo hakachi ka yetu ni yena, tukakolese usendo,

Mukanda Wa Zambi 1970

²⁸ Ayo ngwo: “Mumu hitwamona ngwetu, Mwene Zambi kali hamwe ni yena. Kashika twanyonga ngwetu, chinalite tukalikunde ni Shingo hakachi ka yetu ni yena tukakolese Usendo.

Ubutukilo 26:28 Iomraidhean Croise

Ubutukilo 24:3

Ndo mulishinga ni jina lia Yehova Zambi ya mwilu kanda Zambi ya hashi ngwami, Mwanami kuchi kumumbachisa pwo wa kuli A-Kanana wano natwama no.

Ubutukilo 24:41

Chocho mushinguluka ku shingo liami, muze muheta kuli usoko wami. Nyi kakuheleye mba mushinguluka ku shingo liami.

Ubutukilo 31:44

Tuye tukolese usendo, yami ni yena, ukapwe chinyingi hakachi ka yami ni yena.

Ubutukilo 39:3

Kakó yamona ngwenyi, Yehova kwali hamwe ni yono. Cheswacho analingi Yehova kakuchiwahisa mu kwoko lienyi.

Ubutukilo 39:5

Kumanyi chize ku tangwa lize amupwishile kaselo nikumukunjika upite wenyi weswe Yehova wawahishile zuwo lia Ka-Engitu mumu ha mukunda wa José. Yehova wawahishile upite wenyi weswe ni mu zuwo ni yambu.

2 Sango Ja Mianangana 1:1

Solomone, mwana David, amutakamishine mu wanangana wenyi, ni Yehova Zambi yenyi wapwile hamwe nenyi nikumutohesa kuhiana.

2 Sango Ja Mianangana 15:9

Yakungulula A-Yunda ni A-Mbenjamine eswe ni waze hatunga no a ku Eframe ni Manase ni Simeone; mumu atu anji a mu Izalele ejile kuli iye ha kumona Yehova Zambi yenyi kwali hamwe nenyi.

Izaya 45:14

Yehova kanambe ngwenyi, Upite wa Engitu ni yuma ya kutalika ya A-Etiopia, ni A-Shipa, malunga anene, muyikeza kuli yenu, muyikapwa niyenu. Makanukaula. Makeza mu malenge nikuhetamina hashi kuli yenu. Kumakalemba kuli yenu ngwo, Zambi kakutwama ni yenu wika, ni kukushi mukwo, niumwe zambi shina iye mwene.

Izaya 60:14

Ana ja waze anupinjishile meza nikuhetamina hashi kuli yenu; waze eswe anulelesele mahetamina ku yiliato yenu. Kumakanutongola ngwo, Limbo lia Yehova, Zaione ya mwe Musandu wa Izalele.

Izaya 61:6

Alioze yenu manutongola ngwo, Asasedote ja Yehova, atu manufumanyisa ngwo, Tuvumbi twa Zambi yetu. Munukalia upite wa mavungu, nikulisamba mu yikumba yo.

Izaya 61:9

Ana jo makaanyingika hakachi ka mavungu; waze masemuka kuli ayo makaanyingika hakachi ka minyachi. Waze eswe makaamona makaatayiza ngwo, Atu a kuwahisa kuli Yehova.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

1 Korintu 14:25

Yuma ya kuhengama ya mu mbunge yenyi muyisoloka: chocho makafulamana ha meso jenyi, makawayila Zambi, mambulula ngwenyi, Zambi hwali hakachi kenu pundu.

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.

Hebreu 6:16

Mumu atu chamwenemwene kakulishinga ni umwe Wahiana; ni shingo lia kukolesa liapwa songo lia kuhamika cheswe.

Yoshua 3:7

Yehova yamba kuli Yoshua ngwenyi, Musono munguputuka kukunangamisa kumeso ja A-Izalele eswe, akanyingike ngwo, Chizechene apwile ni Mose chocho kwali nawa ni iye.

1 Samuel 11:1

Nahashi Ka-Amone yakanduka, yasa chilombo chenyi kulimika ni Njabeshe-Ngiliate. Malunga eswe a Njabeshe yamba kuli Nahashi ngwo, Kolesa usendo ni yetu mba mutukulingila.

1 Samuel 18:28

Mba Saulu yamona, yanyingika ngwenyi, Yehova kwali hamwe ni David. Chikwo nawa Mikale mwana Saulu wazangile David.