Ubutukilo 26:24 - MUKANDA USANDU WA ZAMBI 1975

²⁴ Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Mukanda Wa Zambi 1970

²⁴ Ha ufuku uzewene Mwene Zambi yamusolokela, yamwamba ngwenyi, “Kanda wivwa woma. Nguli Zambi ya tatenu Abrahama, nguli hamwe ni yena. Mungukakuwahisa, mungukokesa vungu lie mumu hali kavumbi kami Abrahama.”

Ubutukilo 26:24 Iomraidhean Croise

Ubutukilo 13:16

Chikwo nawa mungwokesa munyachi we ngwe fufuta ya hashi. Nyi mutu mahasa kwalula fufuta ya hashi mba chocho mahasa kwalula munyachi we.

Ubutukilo 15:1

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Ubutukilo 17:7

Kumungukakolesa usendo wami hakachi ka yami ni yena ni munyachi we kulutwe lia yena ku yisemuko yo ukapwe usendo wa mutolo, ngukapwe Zambi kuli yena ni kuli akwa munyachi we kulutwe lia yena.

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Ubutukilo 21:17

Zambi yevwa liji lia mwana mba mungelo wa Zambi mwilu yasanyika Hekare ngwenyi, Kuchi unevu yena Hekare? Kanda wivwa woma, mumu Zambi hevwa liji lia mwana kuze ali.

Ubutukilo 22:17

kuwahisa mungukakuwahisa; kwokesa mungukokesa munyachi we ukapwe ngwe matongonoshi a mwilu; ukapwe ngwe masekeseke a ha ngenge ya kalunga-lwiji. Munyachi we makazuka chajilo cha akwa kole je.

Ubutukilo 22:19

Mba Apalahama yahiluka kuli akweze jenyi. Chocho yakatuka eswe, yaheta hamuwika ku Mbia-shipa. Apalahama Watwamine ku Mbia-shipa.

Ubutukilo 24:12

Yamba ngwenyi, Yehova, Zambi ya mwata wami Apalahama, ngunaliumbu unguwahise musono, ukalweze utu wa zango kuli mwata wami Apalahama.

Ubutukilo 28:13

Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

Ubutukilo 28:15

Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga.

Ubutukilo 28:3

Zambi Mukwa-Ndundo-Jeswe akakuwahise, akakwehe ana, akakwokese ukapwe chendo cha mavungu.

Ubutukilo 30:27

Lapane yamba ngwenyi, Nyi hinawana vumbi ku meso je, twama. Mumu hinamona ngwami, Yehova kakunguwahisa ha mukunda wa yena.

Ubutukilo 31:5

Yamba kuli ayo ngwenyi, Ngunamono meso ja tatenu, kangutalile kanawa ngwe kunyima, alioze Zambi ya tata kwali hamwe ni yami.

Ubutukilo 39:2

Yehova wapwile hamwe ni José, iye wapwile ni somo watwamine mu zuwo lia kakó mwe Ka-Engitu.

Ubutukilo 39:3

Kakó yamona ngwenyi, Yehova kwali hamwe ni yono. Cheswacho analingi Yehova kakuchiwahisa mu kwoko lienyi.

Ubutukilo 46:1

Izalele wayile mu jila hamuwika ni upite wenyi weswe. Yaheta ku Mbi ashipa, yalambula yitapo kuli Zambi ya tato Izake.

1 Yitanga Ya Mianangana 17:13

Eliya yamba kuli iye ngwenyi, Kanda wivwa woma, yako ulinge chocho, alioze Uliange kungulingila kambolo unguneheneko mba kulutwe mulingila mwané ni yena.

Kutuhuka 14:13

Mba Mose yamba kuli e atu ngwenyi, Kanda nwivwa woma, manenu, numone ulamwino wa Yehova, manulingilawo musono. Mumu A-Engitu nwamona musono, kunuchi kwiza kwamona nawa nilimwe tangwa.

Kutuhuka 3:6

Chikwo nawa ngwenyi, Yami Zambi ya tatenu—Zambi ya Apalahama, Zambi ya Izake, Zambi ya Yakomba. Mose walifukile ku meso jenyi mumu te woma anevu mukutala hali Zambi.

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 44:2

Yehova yoze wakutangile, wakuwumbile mu jimo makakukwasa, kanambe ngwenyi, Kanda wivwa woma kavumbi kami Yakomba, ena Yeshurene nakutongwele.

Izaya 51:12

Yami, yami mwene nakunuwumbijeka; kuchi nwapwa nukavwile woma mutu mukwa kufwa, hanji umwe mwana mutu hamupwisa ngwe mwambu?

Izaya 51:7

Panjikenu kuli yami, yenu nwanyingika ululi, enu atu nuli ni shimbi jami mu mbunge. Kanda nuvwila woma luchoko wa atu, kutukana cho kanda chinushima.

Lungungu 3:57

Wakundamine muze nakutambikile; wambile ngwe, Kanda wivwa woma!

Alevi 26:42

mba mungwiwuluka usendo wami nakolesele ni Yakomba, ni usendo nakolesele ni Izake, ni usendo nakolesele ni Apalahama. Mungwiwuluka chifuchi.

Alevi 26:45

Alioze mumu ha mukunda wa ayo mungwiwuluka usendo uze nakolesele ni tulamba two aze nachijile ku chifuchi cha Engitu kumeso ja mavungu hanga ngukapwe Zambi yo. Yami Yehova.

Mateu 22:32

Yami nguli Zambi ya Apalahama, ni Zambi ya Izake, ni Zambi ya Yakomba? Zambi hi Zambi ya afu ko, alioze ya a mwono.

Luka 12:32

Kanda nwivwa woma, mbunga yikepe; mumu chinawahila Tatenu kunwaha wanangana.

Yilinga 7:32

ngwo, Zambi ya tulamba twe yami, Zambi ya Apalahama, ya Izake, ya Yakomba. Ni Mose wachikimine, kahamukineko kutala.

Shimbi 13:17

Niyimwe ya yuma yajila kanda nuyikwata ni moko jenu, hanga Yehova alumuke ku usasu wa utenu wenyi, anuvwile keke, anuvwile vumbi, anwokese, ngwe alishingile kuli tulamba twenu,

Shimbi 31:6

Takamenu, hamukenu, kanda nwivwa woma, kanda nususamiana mumu hali ayo, mumu Yehova Zambi yenu iye kanayi hamwe ni yenu; kechi kanuhichika, chipwe kunwehuka, ka.

Hebreu 11:16

aiioze haliapwila kakuzanga chifuchi chimwe chahiana, te chize cha mwilu: kashika Zambi keshi kwavwila sonyi, akamuvuluke ngwo, Zambi yetu; mumu hanaalulikila limbo.

Hebreu 13:6

Chocho ni kuhamuka tunambe ngwetu, Mwene iye chikwashi chami; chichi kevwa woma. Atu yika mangulinga?

Usolwelo 1:17

Muze namumwene, nafulamanyine ku yiliato yenyi ngwe mufu; iye Wasayikile kwoko lienyi lia chindume hali yami, ngwenyi, Kanda wivwa woma, yami nguli mwe mutangu ni mwe kasula-songo;

Rute 3:11

Haliapwila mwanami, kanda wivwa woma, mungukulingila yeswe unechi mumu akwetu eswe ananyingika ngwo, Uli pwo wamwenemwene.