Ubutukilo 26:2 - MUKANDA USANDU WA ZAMBI 1975

² Yehova yasoloka kuli iye ngwenyi, Kanda upalumuka ku Engitu, twama mu chifuchi ngunakulweze.

Mukanda Wa Zambi 1970

² Mwene Zambi hanalisolola kulu kuli Isake ni kumwamba ngwenyi: “Kanda uya ku chifuchi cha Egiptu, alioze twama mu chifuchi chino.

Ubutukilo 26:2 Iomraidhean Croise

Ubutukilo 12:1

Yehova te hamba kuli Apalama ngwenyi, Katuka ku chijima che, ni kuli usoko we, ni kuli akwa zuwo lia tatenu, uye ku chifuchi mungukulwezacho.

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 17:19

Zambi yamba ngwenyi, Hi chocho ko, alioze mukwenu-pwo Sara makusemena mwana wa lunga. Ukamuluke jina Izake, mba mungukolesa nenyi usendo wami ukapwe usendo wa mutolo ku munyachi wenyi kulutwe.

Ubutukilo 18:1

Yehova yasoloka kuli iye ku mitondo ya Mamare, te kanatwama ku chikolo cha mbalaka yenyi ha chivukuminya cha tangwa.

Ubutukilo 26:24

Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Miaso (Masamu) 25:12

Mutu yoze wakuvwila woma Yehova iya? Mwenawo mamulongesa jila yize mayitongola.

Miaso (Masamu) 37:3

Fuliela Yehova, ulinge yipema. Chocho mukatwama mu chifuchi; chamwenemwene makakulisa.

Kutuhuka 2:24

Zambi wevwile mikuma yo. Zambi yewuluka usendo wenyi uze akolesele ni Apalahama ni Izake ni Yakomba.

Alevi 26:42

mba mungwiwuluka usendo wami nakolesele ni Yakomba, ni usendo nakolesele ni Izake, ni usendo nakolesele ni Apalahama. Mungwiwuluka chifuchi.