Ubutukilo 26:12 - MUKANDA USANDU WA ZAMBI 1975

¹² Izake yalima mu chifuchi chize, yacha mwaka uze wene ha chimuwika kulakaji, ha chimuwika kulakaji. Yehova yamuwahisa,

Mukanda Wa Zambi 1970

¹² Isake yalima minda mu chifuchi chize. Mwene Zambi yamuwahisa, mba ha mwaka uzewene minda yenyi yiyima mbuto yinji kuhiana.

Ubutukilo 26:12 Iomraidhean Croise

Ubutukilo 24:1

Apalahama wapwile mukulwana, miaka yenyi hiyoka. Yehova te hawahisa Apalahama mu yuma yeswe.

Ubutukilo 24:35

Yehova iye hanawahisa mwata wami chikolo, hapwa munene. Hanamwehe matanga a mapanga ni a ngombe, ni prata, ni oru, ni ndungo ja malunga, ni ja mapwo, ni tumelu ni yimbulu.

Ubutukilo 25:11

Kulutwe lia kufwa cha Apalahama Zambi wawahishile mwanenyi Izake. Izake Watwamine ku Mbia-ha-rohi.

Ubutukilo 26:29

ngwetu, Kuchi kutulinga chipi, se yetu kutwakusungile, kutwakulingile nichimwe shina chipema wika. Twakukatwishile ni sambukila. Haliapwila yena uli mwe mukwa kumuwahisa kuli Yehova.

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Ubutukilo 30:30

Mumu muze nejile te chikepe uli nacho. Haliapwila hichatoha, hichalumbama. Kweswako natalikisa Yehova hakuwahisa. Mba mwaka uka munguzuka yuma ya kuwahisa akwa zuwo liami lume?

Jobe 42:12

Yehova aye yawahisa matangwa a Jo a kusula kuhiana uputukilo. Wapwile ni kumi lia tununu ni tununu awana a mapanga, ni tununu asambano a tumelu, ni kanunu ka makanga a ngombe, ni kanunu ka yihwo ja yimbulu.

Miaso (Masamu) 67:6

Mavu a hashi makema tachi jaho; ni Zambi, iye Zambi ya yetwene, matuwahisa.

Miaso (Masamu) 72:16

Kumukukapwa kulumbama cha mbuto mu mavu helu lia milundu. Mihuko yaho kumuyikanyika ngwe Lebano, waze atwama mu chihunda kumakatatuka ngwe mwambu wa hashi.

Yishima 10:22

Chiwape cha Yehova kuchakupichisa, ni kechi kuwezako chinyengo.

Longeshi 11:6

Kuwa mbuto ye ha chimene, ni ha chingoloshi kanda ulitwamina, mumu kwanyingikine yize muyiwaha, shina yize nyi shina yino, hanji jeswe ni jiali mujipema chimuwika.

Zakaria 8:12

Mumu kumukukapwa mbuto ya sambukila ni kuwaha; Mitondo ya uva muyikema mihuko, ni mavu makahana mbuto yako, ni malilu makahana mume wako, mba mungukayukisa masalila ja vungu lino ni yuma yino yeswe.

Mateu 13:23

Yize mayikuwa ha mavu apema, iye yoze mevwa liji, malinyingika, mema mbuto, umwe kulakaji, ni mukwo makumi asambano, ni mukwo makumi atatu.

Mateu 13:8

Ni yikwo yaholokelele ha mavu apema, yemine mbuto, yimwe kulakaji, yikwo makumi asambano, yikwo makumi atatu.

Marku 4:8

Yikwo yaholokelele ha mavu apema, yemine mbuto, nikusoka, nikutatuka; yemine, yimwe makumi atatu, ni yikwo makumi asambano, ni yikwo kulakaji.

1 Korintu 3:6

Ami natumbile, Apolu wahinjilile; alioze Zambi watatwishile.