Ubutukilo 25:6 - MUKANDA USANDU WA ZAMBI 1975

⁶ Alioze kuli ana ja *akonkubina jenyi, aze Apalahama atambwile, Apalahama, shimbu achili ni mwono yaaha yawana, yaatuma akatuke kuli Izake akaye ku Chivumbuko.

Mukanda Wa Zambi 1970

⁶ Alioze muze te Abrahama kanda achifwa, ana malunga waze asemene ni mapwo akwo, yaahaha yawana. Mba yaalweza ha kuhichika chifuchi cha Isake ni kuya ku chifuchi cha ku sali lia chivumbuko.

Ubutukilo 25:6 Iomraidhean Croise

Ubutukilo 16:3

Chocho Serai pwo lia Apalama yanda ndungo yenyi Hekare Ka-Engitu yamuhana kuli mukwo-lunga Apalama akapwe pwo lienyi, muze te Apalama hatwama kumi lia miaka mu chifuchi cha Kanana.

Ubutukilo 21:14

Apalahama yalimeneka, yanda mbolo ni tuku ya meya, yayihana kuli Hekare nikumutwikayo ha chipaya, ni mwe mwana, chocho yaakatwisa. Mba mwe pwo yaya nikwendangana mu puya ya Mbia-shipa.

Ubutukilo 25:1

Apalahama yambata pwo weka, jina lienyi Ketura.

Ubutukilo 29:1

Mba Yakomba yaya mu jila yenyi, yaheta ku chifuchi cha ana ja ku Chivumbuko.

Ubutukilo 30:4

Yamwaha ndungo yenyi Mbila akapwe pwo lienyi, mba Yakomba yanjila kuli iye.

Ubutukilo 30:9

Muze Liya hamona halitwamina kusema yanda Zelupa ndungo yenyi, yamuhana akapwe pwo lia Yakomba.

Ubutukilo 32:22

Mba ha ufuku yakatuka, yatwala mapwo jenyi aali ni ndungo ja mapwo aali, ni ana jenyi kumi ni umuwika, yazauka lwiji Yapoke ha mwa.

Ubutukilo 35:22

Kwapwile shimbu Izalele Watwamine mu chifuchi chize Rupene yaya, yapomba ni Mbila *konkubina ya tato, mba Izalele yachivwa. Mba ana ja Yakomba te kumi ni aali.

2 Sango Ja Mianangana 11:21

Rehoboame wazangile Maka mwana Absalome helu lia mapwo jenyi eswe ni *akonkubina eswe (mumu wambachile kumi lia mapwo ni mapwo nake, ni wapwile ni makumi asambano a *akonkubina. Yasema no makumi aali a ana a malunga ni ana a malunga nake; ni makumi asambano a ana a mapwo.)

Jobe 1:1

Kwapwile umwe lunga mu chifuchi cha Uze; jina lienyi Jo. Mwe lunga te keshi kapalia, mukwa ululi, mukwa kuvwila woma Zambi, keshi kutala ku chuma chipi.

Jobe 1:3

Upite wenyi tununu shimbiali a mapanga, tununu atatu a tumelu, kulakaji atano a makanga a ngombe, kulakaji atano a yimbulu a yihwo, ni atu a ha zuwo lienyi anji chikolo. Kashika yono lunga wapwile munene kuhiana eswe a ku yifuchi ya Chivumbuko.

Mateu 5:45

hanga nukapwe ana a Tatenu yoze uli mu malilu: mumu kakuvumbula tangwa lienyi hali api ni apema; kakunokesa vula hali akwa ululi ni hali yihenge.

Yilinga 14:17

Hindu kalihichikile iye mwene keshi chela, te walingile yipema, wanuhele vula wa mwilu ni tukweji a kwima mihuko, nikuzalisa mbunge jenu ni kulia ni chiseke.

Akwa Kuyula 19:4

Tato-weno, tato ya mukwo-pwo, yamukwika, kashika yatwama nenyi matangwa atatu. Chocho atwamine nikulia nikunwa.

Akwa Kuyula 6:3

Mumu muze A-Izalele alimine mbuto, A-Mindiane, ni A-Amaleke, ni akwa Chivumbuko ejile nikwapupa.