Ubutukilo 25:29 - MUKANDA USANDU WA ZAMBI 1975

²⁹ Yakomba yateleka makunde, mba Esau yakatuka mu yambu, hijamuhwa.

Mukanda Wa Zambi 1970

²⁹ Limwe tangwa Yakoba te kanateleka mutato. Esau yakatuka mu yambu kuze ayile ni kuzomba, yeza, te hijamuhwa kuhiana.

Ubutukilo 25:29 Iomraidhean Croise

Ubutukilo 25:30

Esau yamba kuli Yakomba ngwenyi, Ngunaliumbu, ngulie makunde je achila mumu hijanguhwa. Kashika amulukile jina ngwo, Endome.

Ubutukilo 25:34

Yakomba yahana kuli Esau mbolo ni mutato wa makunde. Yalia, yanwa, yakatuka, yaya kwenyi. Chocho Esau yalelesa wata wenyi.

1 MIANANGANA 4:38

Elisha yeza nawa ku Ngilingali alioze kwapwile kapunga mu chifuchi. Ana ja aprofeta atwamine kumeso jenyi. Aye yamba kuli kavumbi kenyi ngwenyi, Alika lundeho utelekele ana ja aprofeta kulia.

1 MIANANGANA 4:39

Umwe yaya mu yambu ahele yilimalima. Yawana lwitwi wa mu yambu; yahela mazungu jaho, hina lienyi lia tò. Yeza, yaatetela mu ndeho ya kulia. Alioze kaanyingikine.

Yishima 13:25

Mukwa ululi kakulia ndo kuyukisa mbunge yenyi; alioze jimo lia chingulungulu mulikahona.

Hagai 2:12

Nyi mutu mambata yifwo yisandu mu hina lienyi, ni hina lienyi mulisunga ku mbolo, hanji kulia cha kuteleka, hanji vinyu, hanji maji, hanji kulia chimwe chikwo, muchalumuka chisandu, nyi? Asasendote yakumbulula ngwo, Ka.

1 Samuel 14:28

Umwe hakachi ka atu yamba ngwenyi, Tatenu kakanjisanga atu ni shingo ngwenyi, Mweswe malia musono, ashingiwe. Mba atu te kanalezumuka.

1 Samuel 14:31

Alambile A-Filistea tangwa lize chize ku Mikimashi ndo ku Ajalone, ni e atu alezumukine.