Ubutukilo 25:22 - MUKANDA USANDU WA ZAMBI 1975

²² Ana alitachikile mu jimo lienyi chocho yamba ngwenyi, Nyi chapwa chamwenemwene, kuchi te napwa Chichize? Mba yaya achihule kuli Yehova.

Mukanda Wa Zambi 1970

²² Muze te ana a pasa analitachika mu jimo lienyi, Rebeka yamba ngwenyi: “Mumu yika Chuma chino?” Yahula Mwene Zambi ha chikuma chino.

Ubutukilo 25:22 Iomraidhean Croise

Ezekiel 20:31

Ha kuhana milambu yenu, ni kulambula anenu a malunga mu kahia nwakulichisa ni mahamba jenu eswe ndo musono. Mba mungutá nukanguhule, enu akwa munyachi wa Izalele? Mwene Yehova kanambe ngwenyi, Ni mwono wami, chichi kutá nukahule kuli yami.

Ezekiel 36:37

Mwene Yehova kanambe ngwenyi, Chino nawa mungutayiza akwa munyachi wa Izalele akete kuli yami, ngukaokese malunga jo ngwe mbunga ya mapanga.

1 Samuel 10:22

Kashika ahulile Yehova nawa ngwo, Yono lunga hindu kwali, nyi? Yehova yakumbulula ngwenyi, Haswama hakachi ka yikwata.

1 Samuel 22:15

Te musono nalianga kuhula kuli Zambi hali iye nyi? Hi chocho ko! Mwanangana, kanda nungwaha mutonga yami kavumbi kenu hanji kuli wano eswe akwa zuwo lia tata. Yami kavumbi kenu te Chanyingikine nichimwe cha yuma yino yeswe, chipwe chinene chipwe chikepe.

1 Samuel 28:6

Alioze muze Saulu yahula kuli Yehova, Yehova kamukumbulwile chipwe ku yilota chipwe ku Urimi chipwe kuli aprofeta.

1 Samuel 30:8

David yahula Yehova ngwenyi, Ngukaule mbunga yino, nyi? Mungwawana, nyi? Yamukumbulula ngwenyi, Kaula, muawana pundu mba mutambula nawa yeswe.

1 Samuel 9:9

(Ku shakulu mu Izalele muze umwe wayile kuhula chimwe chuma kuli Zambi wambile ngwenyi, Tuye tuhule mwe mukwa kumona. Mumu yoze akumutongola musono ngwo, Profeta, kunyima amutongwele ngwo, Mukwa kumona.)