Ubutukilo 25:21 - MUKANDA USANDU WA ZAMBI 1975

²¹ Izake walembelele mukwo-pwo kuli Yehova mumu iye mumba. Yehova wamuvwile, mba Rebeka yaka ufumba.

Mukanda Wa Zambi 1970

²¹ Rebeka, pwo lia Isake te mumba. Kashika Isake yaliumba kuli Mwene Zambi mumu hali iye. Neye yamwivwa, mba Rebeka yaka ufumba.

Ubutukilo 25:21 Iomraidhean Croise

Ubutukilo 11:30

Serai te mumba, keshi mwana.

Ubutukilo 16:2

Serai yamba kuli Apalama ngwenyi, Tala haliapwila Yehova hangujika ngoji. Ngunasakwila, uchinjile kuli ndungo yami wa pwo, hanji munguwana ana kuli iye. Mba Apalama wapanjikile liji lia Serai.

Ubutukilo 30:22

Mba Zambi yewuluka Rakele. Zambi yamupanjika, yamwaha kusema.

1 Sango Ja Mianangana 5:20

Zambi yaakwasa kulimika no mba yakumba A-Hagri ni waze eswe apwile no, mumu hakachi ka jita yateta kuli Zambi mba iye wapanjikile mumu amufulielele.

2 Sango Ja Mianangana 33:13

Yalemba, mba Zambi yamwivwa, yapanjika ku kulembelela chenyi, yamuneha nawa ku Yerusaleme ku wanangana wenyi. Henaho Manase yanyingika ngwenyi, Yehova iye Zambi.

Ezra 8:23

Kashika twalitwaminyine kulia nikulemba kuli Zambi yetu ha chuma chino, mba watupanjikile.

Miaso (Masamu) 127:3

Ana kapwa chihinga cha kuli Yehova. Kuseseka cha mu jimo kwononona chenyi.

Miaso (Masamu) 145:19

Kumakayukisa usona wa waze akumuvwila woma. Kumakevwa muteto wo nawa, kumakaalamwina.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 65:2

Yena wakwivwa kulemba; kuli yena akwa musunya eswe meza.

Miaso (Masamu) 91:15

Kumakangusanyika mba mungumukumbulula. Mungupwa hamwe nenyi mu lamba; mungumupulula; mungumukolesa.

Yishima 10:24

Chize chingulungulu akuvwila woma muchimuwana; ni chize mukwa ululi mazanga mamwahacho.

Izaya 45:11

Yehova, mwe Musandu wa Izalele, kanda Tangi yenyi kanambe ngwenyi, Te musopa ni yami ha kutwala kuli anami? Ukangutumine ha kutwala ku milimo ya moko jami?

Izaya 58:9

Mba munukatambika ni Yehova makanukumbulula. Munuteta mba iye mamba ngwenyi, Yami uno. Nyi munuchiza kuli hakachi kenu, ni kwinyika munwe, ni kuhanjika ungulungulu;

Izaya 65:24

Mungukumbulula shimbu kanda achitambika; shimbu machihanjika mungwivwa.

Luka 1:13

Alioze mungelo wambile kuli iye ngwenyi, Kanda wivwa woma, Zakaria; mumu hanapanjika ku kuliumba che; ni mukwenu-pwo Izabele kumakakusemena mwana-lunga, ukamuluke jina ngwe, Yoano.

Luka 1:7

Alioze kapwile ni mwana, mumu te Izabele wapwile mumba, no eswe aali miaka yo hiyoka.

1 Samuel 1:11

Yalakenya chilakenyo ngwenyi, Yehova-wa-Tujita nyi chamwenemwene mutala luyinda wa yami kavumbi ke, uka-ngwiwuluke, kanda unguvulama yami kavumbi ke alioze ukangwehe mwana wa lunga, mungumuhana kuli Yehova ha matangwa eswe a mwono wenyi, kechi kasa tewula ku mutwe wenyi.

1 Samuel 1:17

Mba Eli yamukumbulula ngwenyi, Uye kanawa, mwe Zambi ya Izalele akwehe chize wamwita.

1 Samuel 1:2

Te kali ni mapwo aali. Jina lia umwe Hana; jina lia mukwo Penina. Penina wasemene ana alioze Hana kasemene.

1 Samuel 1:27

Yono mwana nechile, mba Yehova hangwaha chize namwichile.