Ubutukilo 24:7 - MUKANDA USANDU WA ZAMBI 1975

⁷ Yehova, Zambi ya mwilu, yoze wanguchijile ku zuwo lia tata ku chifuchi kuze nasemukinyine, yoze wahanjikile ni yami, washingile kuli yami ngwenyi, Ku munyachi we mungukahana chifuchi chino, iye kumakatuma mungelo wenyi kulutwe lie mba kwenako mukasakila pwo mwanami.

Mukanda Wa Zambi 1970

⁷ Mwene Zambi, Zambi ya mwilu, hananguchiza mu chifuchi cha tata ni cha usoko wami, yanguneha kuno. Yalishinga ngwenyi, makahana chifuchi chino kuli vungu liami. Mwenawo makatuma kanganda kenyi ka mwilu ha kufupila mwanami pwo.

Ubutukilo 24:7 Iomraidhean Croise

Ubutukilo 13:15

Mumu chifuchi chino cheswe unamono ngunakwehecho, ni kuli yena ni ku munyachi we ku miaka ya mutolo.

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

Ubutukilo 16:7

Alioze mungelo wa Yehova yamuwana ku fuji lia meya mu puya, ku fuji lia meya mu jila ya kuya ku Shure.

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Ubutukilo 21:17

Zambi yevwa liji lia mwana mba mungelo wa Zambi mwilu yasanyika Hekare ngwenyi, Kuchi unevu yena Hekare? Kanda wivwa woma, mumu Zambi hevwa liji lia mwana kuze ali.

Ubutukilo 22:11

Alioze mungelo wa Yehova mwilu yamusanyika ngwenyi, Apalahama, Apalahama. Iye yamba ngwenyi, Yami uno.

Ubutukilo 24:3

Ndo mulishinga ni jina lia Yehova Zambi ya mwilu kanda Zambi ya hashi ngwami, Mwanami kuchi kumumbachisa pwo wa kuli A-Kanana wano natwama no.

Ubutukilo 24:40

Iye yamba kuli yami ngwenyi, Yehova, yoze kumeso jenyi nakwenda, iye kumakatuma mungelo wenyi hamwe ni yena mukuwahisa wenyi we. Kumukasakila pwo mwanami wa kuli usoko wami, ku munyachi wa tata.

Ubutukilo 26:24

Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Ezra 1:2

Siru mwanangana wa Persia ngwenyi, Yehova Zambi ya mwilu hangwaha mawanangana eswe a hashi. Mba iye hangwaha shimbi kumutungila zuwo mu Yerusaleme mu chifuchi cha Yunda.

Miaso (Masamu) 103:20

Enu angelo jenyi fumanyisenu Yehova, enu akwa ndundo ni tachi nwakwononokena liji lienyi, nikwivwa liji lia kuhanjika chenyi.

Miaso (Masamu) 136:26

Sakwililenu Zambi ya mwilu; mumu utu wa zango lienyi wa mutolo.

Miaso (Masamu) 32:8

Mungukufumba, mungukulongesa jila yize muwendelamo. Mungukwaha mana nikukutala ni liso liami.

Miaso (Masamu) 34:7

Mungelo wa Yehova kakutunga chilombo chenyi cha kujingilika waze akumuvwila woma, kakwapulula.

Miaso (Masamu) 73:24

Kumukangusongwela ni mana je, mba kulutwe kumukangutambula ni ulemu.

Kutuhuka 13:5

Chikapwe muze Yehova makanuhetesa ku chifuchi cha A-Kanana, ni cha A-Hete, ni cha A-Amore, ni cha A-Hevwe, ni cha A-Yepushe, che chize alishingile kuli tulamba twenu mukunwaha, chifuchi kuze kunokela yamwa ni wuchi, ngwami, Ha kakweji yono mwene nukalinge uvumbiko uno.

Kutuhuka 32:13

Iwuluka kama tuvumbi twe Apalahama, ni Izake, ni Izalele, kuli wano yena walishingile ni shingo ngwe, Kumungwokesa ana jenu ngwe matongonoshi a malilu. Chifuchi chino cheswe hinamba, kumungukachihana kuli ana jenu. O kumakachipita ndo ku miaka ya mutolo.

Kutuhuka 33:2

Mungukatuma mungelo kumeso je, (mumu mungukahuma mu chifuchi A-Kanana, ni A-Amore, ni A-Hete, ni A-Perize, ni A-Hevwe, ni A-Yepushe)

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Yona 1:9

Iye yaakumbulula ngwenyi, Nguli Ka-Hepreu. Nakuvwila woma Yehova, Zambi ya mwilu, yoze watangile kalunga-lwiji ni hashi homu.

Kwalula 11:12

Te yami nasesekele ufumba wa wano atu nyi? Te yami naasemene? hanga ukambe kuli yami ngwe, Wambate mu kondo ye, ngwe chisemi mukwa kulela mambata mwana unamu, ndo ku chifuchi yena walakenyene ni shingo kuhana kuli tulamba two nyi?

Kwalula 14:16

Mumu te Yehova kahashile kuhetesa wano atu ku chifuchi chize walakenyene ni shingo kwaahacho, kashika hanaashihi mu puya.

Kwalula 14:30

chamwenemwene kunuchi kaheta ku che chifuchi, ha kutwala ku chenacho nalakenyene ni shingo ngwami, Mungukanutwamisamo, shina Kalemba, mwana wa Yefune, ni Yoshua, mwana wa Nune.

Kwalula 32:11

Chamwenemwene niumwe wa kuli atu akatukile ku Engitu, chize kuli akwa makumi aali a miaka ndo kuli makulwana makamona chifuchi nalakenyene ni shingo kuhana kuli Apalahama ni kuli Izake ni kuli Yakomba, mumu te o kangukawile liakulu,

Yilinga 7:5

alioze kamuhelemo chihinga nichimwe, chipwe haze masa chiliato chenyi, ka: hindu walakenyene kunwahacho akachipite iye mwene, ni munyachi wenyi kulutwe lienyi, shimbu te kanda apwa ni mwana.

Shimbi 1:8

Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Shimbi 34:4

Yehova yamba kuli iye ngwenyi, Chifuchi chino nalishingile kuli Apalahama, ni kuli Izake, ni kuli Yakomba, ngwami, Mungukachihana kuli ana jenu. Hinakumwesacho ku meso je, alioze kuchi kazauka nikuyako.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Hebreu 11:9

Ku Ufulielo watwamine ngwe chilambala mu chifuchi cha chilakenyo, ngwe mu chifuchi cha mbala, nikutwama mu mbalaka hamwe ni Izake ni Yakomba, maswana hamwe nenyi a chilakenyo chimuwika:

Yoshua 1:6

Takama, hamuka mumu yena muhetesa vungu lino mu chifuchi cha chihinga chize nalakenyene ni shingo kuli tulamba two kwaaha.

Yoshua 24:3

Nachijile kalamba kenu Apalahama mu sali lia Lwiji, namusongwelele ndusu chifuchi cheswe cha Kanana. Nokesele ana jenyi. Namuhele Izake.

Usolwelo 11:13

Ha ola yize yene kwapwile minyiko yinene, ni chihanda chimuwika cha ku kumi lia yihanda ya limbo chapuzukile; ashihile mu minyiko tununu shimbiali a atu: ni masalila azalile tò ni woma, mba achichimiekene Zambi ya mwilu.

Akwa Kuyula 2:1

Mba mungelo wa Yehova yakatuka ku Ngilingali yaya ku Mbokimi. Yamba ngwenyi, Nanuchijile ku Engitu; yingunu-neha ku chifuchi chino nalakenyene ni shingo kuhana kuli tulamba twenu. Yingwamba ngwami, Chichi kutangula usendo hakachi ka yenu ni yami.