Ubutukilo 24:60 - MUKANDA USANDU WA ZAMBI 1975

⁶⁰ Yawahisa Rebeka ngwo, Ndumbwetu ukapwe semi ya tununu ni makumi a tununu. Munyachi we akazuke chajilo cha akwa kole jo.

Mukanda Wa Zambi 1970

⁶⁰ Yaawahisa Rebeka ni maliji wano ngwo: “Yena ndumbwetu, ukabwe semi wa tununu ni tununu. Vungu lie akakumbe akwa kole jo.”

Ubutukilo 24:60 Iomraidhean Croise

Ubutukilo 1:28

Mba Zambi yaawahisa. Zambi yamba kuli ayo ngwenyi, Semenu nuliokese, nukazalise hashi, nukazeyeseho. Nukapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia tushitu eswe akwenda hashi.

Ubutukilo 14:19

Yawahisa Apalama ngwenyi, Zambi Chitunda, Mwenya malilu ni hashi akawahise Apalama,

Ubutukilo 17:16

Kumungukamuwahisa, chikwo nawa mwana wa lunga kumakasemuka kuli iye. Ewa mungukamuwahisa, kumakapwa semi ya mavungu. Mianangana ya mavungu kumakasemuka kuli iye.

Ubutukilo 22:17

kuwahisa mungukakuwahisa; kwokesa mungukokesa munyachi we ukapwe ngwe matongonoshi a mwilu; ukapwe ngwe masekeseke a ha ngenge ya kalunga-lwiji. Munyachi we makazuka chajilo cha akwa kole je.

Ubutukilo 24:61

Mba Rebeka yakatuka hamwe ni tuvumbi twenyi a mapwo, yenda ha tumelu akakaule mwe lunga. Chocho mwe ndungo yatambula Rebeka, yaya mu jila yenyi.

Ubutukilo 28:3

Zambi Mukwa-Ndundo-Jeswe akakuwahise, akakwehe ana, akakwokese ukapwe chendo cha mavungu.

Ubutukilo 32:1

Yakomba yaya mu jila yenyi mba angelo a Zambi yatakana nenyi.

Ubutukilo 48:20

Chocho yaawahisa tangwa lize ngwenyi, Mu jina lie Izalele mawahisa ngwenyi, Zambi akakupwise ngwe Eframe ni Manase. Yasa Eframe kulutwe Manase kunyima.

Ubutukilo 9:1

Zambi yawahisa Noe ni anenyi, yamba kuli ayo, ngwenyi, Semenu, nuliokese, nukazalise hashi.

Jeremia 29:6

Mbatenu mapwo nukaseme ana ja malunga ni ja mapwo; mbachilenu mapwo anenu a malunga hangisenu anenu a mapwo, hanga akaseme ana ja malunga ni ja mapwo. Liokesenu, kanda nutepuluka.

Daniel 7:10

Muhwiji wa kahia wavwelwokele ni kutuhuka kumeso jenyi. Kanunu ka tununu amuvumbikile, ni kumi lia tununu twa yisuho ya kumi lia tununu amanyine kumeso jenyi. Punga ya sopi yatwama kusopa, apakwile mikanda.

Alevi 25:46

Munuhasa kwaswanyisa kuli ana jenu kulutwe lienu akaahinge upite wa mutolo. Munuhasa kwapita ayo alioze kuli akwenu A-Izalele kanda nuyula ni ukalu umwe hali mukwo.

Shimbi 21:19

Tato ni naye amukwate, amuhetese kuli makulwana a limbo lienyi, ndo ku chajilo cha chihela chenyi.