Ubutukilo 24:54 - MUKANDA USANDU WA ZAMBI 1975

⁵⁴ Chocho yalia, yanwa, iye ni malunga waze ejile no, yapomba. Chimenemene yahinduka ngwenyi, Ngushikenu nguye kuli mwata wami.

Mukanda Wa Zambi 1970

⁵⁴ Mba kavumbi ka Abrahama ni atu jenyi waze ejile nenyi, yaalia, yaanwa, mba yaaya ni kubomba. Chichamene muze haahinduka, mwe kavumbi yamba ngwenyi: “Tushikenu tuye kuli mwata wetu.”

Ubutukilo 24:54 Iomraidhean Croise

Ubutukilo 24:56

Iye yamba ngwenyi, Kanda nungukwika, se Yehova hawahisa wenyi wami. Ngushikenu nguye kuli mwata wami.

Ubutukilo 24:59

Yashika ndumbwo Rebeka, ni ndeji yenyi, ni ndungo ya Apalahama, ni malunga jenyi.

Ubutukilo 30:25

Mba muze Rakele hasema José, Yakomba yamba kuli Lapane ngwenyi, Ungweche nguye ku chijima chami, ku chifuchi chami.

Ubutukilo 45:24

Chocho yashika ayayo, o yakatuka. Yamba kuli ayo ngwenyi, Kanda nuzwela mu jila.

2 Samuel 18:19

Henaho Ahimaze mwana Zadoke yamba ngwenyi, Nguzomboke ngutwale lusango kuli mwanangana chize Yehova hanamulambila akwa kole jenyi.

Yishima 22:29

Unamono chipalakata ku milimo yenyi, nyi? Kumakamana kumeso ja mianangana; kechi kumana kumeso ja atu amokomoko.

Longeshi 7:10

Kanda wamba ngwe, Kuchi te matangwa a kunyima apemene kuhiana matangwa ano? Kwahulile ni mana ha kutwala ku chuma chino.