Ubutukilo 24:53 - MUKANDA USANDU WA ZAMBI 1975

⁵³ Mwe ndungo yachiza yuma ya oru ni yuma ya prata ni mazalo, yayihana kuli Rebeka. Kuli ndumbwenyi ni naye yahana nawa upite wa ndando yinene.

Mukanda Wa Zambi 1970

⁵³ Mba yanda mahina ni yingeliengelie ya prata ni oru, yamwaha yo Rebeka. Yamwaha nawa yuma ya ndando yinji. Yahana nawa yawana kuli ndumbu ya Rebeka ni kuli naye.

Ubutukilo 24:53 Iomraidhean Croise

Ubutukilo 24:10

Mwe ndungo yanda kumi lia tumelu a ku tumelu ja kakó, yakatuka, se iye kali ni upite weswe wa kakó mu kwoko lienyi. Yakatuka, yaya ku Mesopotamia ku chihunda cha Nehore.

Ubutukilo 24:22

Kwapwile muze te tumelu hamana kunwa, mwe lunga yachiza kazeya ka oru ya pezu ya ha muchima, ni yijingo yiali ya oru ya kusa ha moko jenyi, ya kumi lia pezu.

2 Sango Ja Mianangana 21:3

Tato yaaha yawana yinene ya prata, ni oru, ni yuma ya ndando yinene, hamwe ni yihunda ya kukolesa mu Yunda, alioze yahana wanangana kuli Jorame mumu iye mwanenyi mutangu.

Ezra 1:6

Ni eswe a kwajingilika yatakamisa moko jo ni yikwachilo ya prata, ni oru, ni upite, ni yimuna, ni yikumba yilemu, helu lia milambu ya mbunge.

Kutuhuka 11:2

Uhanjike haliapwila ku matwi ja atu, lunga mweswe akete upite wa prata ni wa oru kuli yoze walihata nenyi, ni pwo mweswe nawa akete kuli yoze walihata nenyi.

Kutuhuka 12:35

A-Izalele alingile nikulita ni liji lia Mose. Yeta kuli A-Engitu upite wa prata ni upite wa oru ni mazalo.

Kutuhuka 3:22

Alioze pwo mweswe akete kuli yoze walihata nenyi ni kuli yoze wapwa ngeji ku zuwo lienyi upite wa prata ni wa oru ni mazalo, nukajike nayo ana jenu a malunga ni ana jenu a mapwo. Munukapupa A-Engitu.

Mwaso Ubema Wahiana 1:10

Kumeso je kunapeme ni yuma ya uhenya, kota ye yinapeme ni kakanga.

Mwaso Ubema Wahiana 4:13

Upeme we wapwa ngwe munda wa romana ni mihuko yeswe yipema; hena ni nardo,

Izaya 39:2

Hezekia aye yapanjika kuli ayo; yaalweza zuwo lia yuma yenyi yilemu, prata, ni oru, ni tumbuto twa lupembo mupema, ni maji alemu, ni zuwo lieswe lia mazalo a yikungo, ni yize yeswe yapwile mu upite wenyi. Nichimwe chuma chasalile mu zuwo lienyi hanji mu chifuchi chenyi Hezekia kaalwezele.