Ubutukilo 24:48 - MUKANDA USANDU WA ZAMBI 1975

⁴⁸ Nahetamisanga mutwe wami nikuwayila Yehova, nikufumanyisa Yehova, Zambi ya mwata wami Apalahama, yoze wangusongwelele mu jila yamwenemwene ngukasake mwana wa yayo ya mwata wami akapwe pwo lia mwanenyi.

Mukanda Wa Zambi 1970

⁴⁸ Yinguhetama, yingufulamana, yinguwayila Mwene Zambi. Yingumuchichimieka ngwami: ‘Aa Mwene Zambi, Zambi ya mwata wami Abrahama, yena unakangufunga kanawa mu jila, yena nawa wanguhetesa kanawa mu limbo lia yayo ya mwata wami Abrahama, kuze hinawana pwo lia Isake.’

Ubutukilo 24:48 Iomraidhean Croise

Ubutukilo 22:23

Mbetule yasema Rebeka. Wano nake Milika wasemene kuli Nehore yayo ya Apalahama.

Ubutukilo 24:52

Kwapwile muze ndungo ya Apalahama hevwa maliji jo yahetamina hashi kuli Yehova.

Ezra 8:21

Mba ku Lwiji Ahava nasele shimbu lia kulitwamina kulia tukalilelese kumeso ja Zambi yetu tukafupe kuli iye atwehe jila yinalulama, hali yetu, ni ana jetu, ni upite wetu weswe.

Miaso (Masamu) 107:7

Waatwalile mu jila ya kululama, akaye ku chihunda cha kutwamamo.

Miaso (Masamu) 32:8

Mungukufumba, mungukulongesa jila yize muwendelamo. Mungukwaha mana nikukutala ni liso liami.

Miaso (Masamu) 48:14

Mumu Zambi yono Zambi yetu ndo ku miaka yeswe ya mutolo. Iye kumapwa kasongo ketu ndo ku kutwa.

Kutuhuka 18:20

Ukaalongese ye yiyulo ni je shimbi, ukaalweze jila o chaatamba kwendamo, ni milimo o chaatamba kulinga.

Yishima 4:11

Hinakulongesa ndako ja mana; hinakusongwela mu majila a ululi.

Izaya 48:17

Yehova, Mukwa-Kunukula, mwe Musandu wa Izalele, kanambe ngwenyi, Yami nguli Yehova Zambi yenu, yoze wakunulongesa hanga nukalumbunuke, yoze wakunusongwela mu jila yize Chanutamba kuya.