Ubutukilo 24:45 - MUKANDA USANDU WA ZAMBI 1975

⁴⁵ Shimbu kanda nguchimana kuhanjika chocho mu mbunge yami, kumanyi Rebeka kaneza ni mutondo wenyi ha chipaya. Yaya ku fuji lia meya, yataha. Mba namba kuli iye ngwami, Ngunasakwila, pe kama meya ngunwe.

Mukanda Wa Zambi 1970

⁴⁵ Mba muze te kanda nguchimanununa kulemba mu mbunge yami, yingumona Rebeka kaneza ni mulondo ha chipaya. Yapalumuka ku shima ni kutaha meya. Yingumwamba ngwami: ‘Nalemba, ngwehe kama meya ngunwe.’

Ubutukilo 24:45 Iomraidhean Croise

Ubutukilo 24:44

neye mamba ngwenyi, Ni yena nwako mba mungutahila nawa tumelu twe, mwenawo lume akapwe yoze Yehova hanatongola hali mwana wa mwata wami.

2 Samuel 7:27

Mumu yena, Yehova-wa-Tujita, Zambi ya A-Izalele, hiwalweza kavumbi ke ngwe, Mungukolesa munyachi we, kashika kavumbi ke hapwa nacho mu mbunge yenyi kulemba chocho kuli yena.

Nehemia 2:4

Mba mwanangana yamba kuli yami ngwenyi, Yika unazange kwita? Kashika yingulemba kuli Zambi ya mwilu.

Izaya 58:9

Mba munukatambika ni Yehova makanukumbulula. Munuteta mba iye mamba ngwenyi, Yami uno. Nyi munuchiza kuli hakachi kenu, ni kwinyika munwe, ni kuhanjika ungulungulu;

Izaya 65:24

Mungukumbulula shimbu kanda achitambika; shimbu machihanjika mungwivwa.

Daniel 9:19

Mwene, ivwa kama. Mwene, konekena kama. Mwene, panjika kama ulinge; kanda ulaluka, mumu hali yena mwene, Zambi yami, mumu ha chihunda che ni hali atu je halukako jina lie.

Daniel 9:23

Ha kuputuka cha kuliumba che liji natuhukile, mba hineza kukulwezalio mumu kanakuzange chikolo. Kashika Zewula lie liji usolwelo ukulumbunuke.

Mateu 7:7

Etenu, mba kumanwaha; fupenu, mba kumunuwana; ngongwelenu, mba kumanwazulwila.

Yilinga 10:30

Koneliu wambile ngwenyi, Matangwa awana kunyima, napwile nikulitwamina kulia ndo ku ola yino; ha ola yamuchilivwa, ngunalembe mu zuwo liami; kumanyi, lunga unamana kumeso jami ni hina lia mukambo lia kulejima.

A-ROMA 8:26

Chizechene Spiritu nawa kakukwasa ulelu wetu: mumu kutwanyingikine kulemba ngwe chinalite; alioze Spiritu iye mwene kakutuhakwila ni mikuma yize keshi kuhasa kuyihanjika;