Ubutukilo 24:40 - MUKANDA USANDU WA ZAMBI 1975

⁴⁰ Iye yamba kuli yami ngwenyi, Yehova, yoze kumeso jenyi nakwenda, iye kumakatuma mungelo wenyi hamwe ni yena mukuwahisa wenyi we. Kumukasakila pwo mwanami wa kuli usoko wami, ku munyachi wa tata.

Mukanda Wa Zambi 1970

⁴⁰ Iye ngwenyi: ‘Mwene Zambi yoze nakwononokena ndoo ni musono uno, makakutumina kanganda kenyi ha kukukwasa. Ha chino ukafupile mwanami pwo mu chifuchi cha tata.

Ubutukilo 24:40 Iomraidhean Croise

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 24:56

Iye yamba ngwenyi, Kanda nungukwika, se Yehova hawahisa wenyi wami. Ngushikenu nguye kuli mwata wami.

Ubutukilo 24:7

Yehova, Zambi ya mwilu, yoze wanguchijile ku zuwo lia tata ku chifuchi kuze nasemukinyine, yoze wahanjikile ni yami, washingile kuli yami ngwenyi, Ku munyachi we mungukahana chifuchi chino, iye kumakatuma mungelo wenyi kulutwe lie mba kwenako mukasakila pwo mwanami.

Ubutukilo 48:15

Yawahisa José ngwenyi, Zambi akaawahise. Mwe Zambi atata Apalahama ni Izake endele kumeso jenyi, Mwe Zambi hanangulisa mwono wami weswe ndo musono.

Ubutukilo 5:22

Mba kulutwe lia kusema Metusela Enoke waliendelele ni Zambi makulakaji atatu a miaka nikusema ana a malunga ni ana a mapwo.

Ubutukilo 5:24

Enoke waliendelele ni Zambi, hikeshiko, mumu Zambi yamuchizako.

Ubutukilo 6:9

Yino ye yisemuko ya Noe. Noe wapwile mukwa ululi, keshi kapalia mu chisemuko chenyi. Noe waliendelele ni Zambi.

1 Yitanga Ya Mianangana 2:3

Funga shimbi ya Yehova Zambi ye ukende mu majila jenyi ukafunge yiyulo yenyi, ni shimbi jenyi, ni upatwilo wenyi, ni Shindakenyo yenyi nikulita ni chize chinasonewa mu shimbi ya Mose hanga Ukawahe mu yuma yeswe mukalinga kweswako mutalikisa,

1 Yitanga Ya Mianangana 3:6

Solomone yamba ngwenyi, Hiwalinga vumbi linji kuli tata David kavumbi ke nikulita ni kwenda chenyi mu umwenemwene, ni ululi, ni kululama cha mbunge kumeso je. Mba wamufungilile vumbi lino linji ngwami, Wamuhele mwana akatwame ha ngunja yenyi chize chapwa musono.

1 Yitanga Ya Mianangana 8:23

ngwenyi, Yehova, Zambi ya Izalele kukushi niumwe Zambi ngwe yena chipwe mwilu chipwe hashi. Kuwakufunga usendo ni utu wa zango ni tuvumbi twe waze akwenda kumeso je ni mbunge jo jeswe.

1 MIANANGANA 20:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

Miaso (Masamu) 1:3

Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

Miaso (Masamu) 16:8

Hingunasela Yehova kumeso jami matangwa eswe. Chichi kakokoloka mumu iye kanamana ku chindume chami.

Miaso (Masamu) 91:11

Mumu kumahana shimbi kuli angelo jenyi ha kutwala kuli yena, akakufunge mu majila je eswe.

Kutuhuka 23:20

Mungutuma mungelo kulutwe lie mukukufunga mu jila, mukukuhetesa kuze hingunalulika.

Kutuhuka 33:2

Mungukatuma mungelo kumeso je, (mumu mungukahuma mu chifuchi A-Kanana, ni A-Amore, ni A-Hete, ni A-Perize, ni A-Hevwe, ni A-Yepushe)

Daniel 3:28

Nabukanezore yamba ngwenyi, Zambi ya Shadrake, ni Meshake, ni Abedenego afumane, yoze hatuma mungelo wenyi, hapulula tuvumbi twenyi akwa kujikijila hali iye, waze alelesele shimbi ya mwanangana nikwecha mijimba yo, mumu kasolo kulingila umwe zambi shina Zambi yo, chipwe kumuwayila.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Usolwelo 22:16

Yami Yesu hingunatumu mungelo wami mukushindakenya yino yuma kuli yenu mu yikungulwila. Yami nguli che chikota, mwe Mwana wa David, we mutumbu wa kutemuka.

Usolwelo 22:8

Ni yami Yoano nevwile, namwene yino yuma. Mba muze nevwile, namwene, nafulamanyine hanga nguwayile ku molu ja mungelo yoze wangulwezele yino yuma.