Ubutukilo 24:31 - MUKANDA USANDU WA ZAMBI 1975

³¹ Yamba ngwenyi, Njila, yena kuwawaha kuli Yehova, kuchi te unamana haze? Mumu hinalulika zuwo. Muhela hali tumelu nawa kuuli.

Mukanda Wa Zambi 1970

³¹ Labane yamulweza ngwenyi: “Njila. Kuchi mba unamana haze? Tuye ku zuwo, hinakululikila kulu muhela. Ni ubombo wa tushitu newo kuuli. Mwene Zambi hakuwahisa.”

Ubutukilo 24:31 Iomraidhean Croise

Ubutukilo 18:3

Yamba ngwenyi, Mwene wami, nyi nawana vumbi kumeso jenu kanda nukatuka kuli yami kavumbi kenu.

Ubutukilo 19:2

Yamba ngwenyi, Ene jami, ngunaliumbu, kondolokelenu ku zuwo lia yami kavumbi kenu nutwamemo Ufuku. Nusane ku molu, mba munukahinduka, nukaye jila yenu. O yamba ngwo, Ka, haze mutupomba ufuku.

Ubutukilo 19:3

Alioze waashinjile chikolo, kashika yakondolokela kuli iye, yanjila mu zuwo lienyi. Iye waatelekelele kulia, yaochela mbolo kuyishi futunwiso, mba yalia.

Ubutukilo 24:30

Mba muze amwene kazeya ni yijingo ha moko ja ndumbwenyi, yevwa nawa maliji a ndumbwenyi Rebeka akwamba ngwenyi, Chocho amba mwe lunga kuli yami, iye yaheta kuli mwe lunga, kumanyi kanamana hamwe ni tumelu ku fuji lia meya.

Ubutukilo 26:29

ngwetu, Kuchi kutulinga chipi, se yetu kutwakusungile, kutwakulingile nichimwe shina chipema wika. Twakukatwishile ni sambukila. Haliapwila yena uli mwe mukwa kumuwahisa kuli Yehova.

Ubutukilo 29:13

Kwapwile muze Lapane yevwa liji lia Yakomba mwana wa ndumbwenyi, yazomboka kumupatwiza. Yamusambilila, yamwaha mbeju, yamuneha ku zuwo lienyi. Iye yambulwila Lapane yuma yino yeswe.

Miaso (Masamu) 115:15

Hanuwahisa kuli Yehova yoze watangile mwilu ni hashi.

Yishima 17:8

Chindo chapwa ngwe diamante kuli yoze hachizuka; kweswako matalikisa mawaha.

Yishima 18:16

Chawana cha mutu kuchakumusela jila; kuchakumuneha kumeso ja atu alemu.

Akwa Kuyula 17:2

Iye yamba kuli naye ngwenyi, Mbongo jize ja prata kumi lia kulakaji ni kulakaji umuwika akwiyile mba walishingile mwe mu matwi jami, tala, kuli yami jili. Yami najitambwile. Naye yamba ngwenyi, Yehova akuwahise mwanami.

Rute 3:10

Lunga yamba ngwenyi, Mwanami, Yehova akuwahise; utu we wa kusula wahiana uze utangu se kwakawile akweze, apwe yiswale apwe pichi.