Ubutukilo 24:3 - MUKANDA USANDU WA ZAMBI 1975

³ Ndo mulishinga ni jina lia Yehova Zambi ya mwilu kanda Zambi ya hashi ngwami, Mwanami kuchi kumumbachisa pwo wa kuli A-Kanana wano natwama no.

Mukanda Wa Zambi 1970

³ Ngunazange ulishinge ku meso ja Mwene Zambi ya lilu ni hashi ngwe, kuuchi kambachila mwanami pwo wa kuli Akanana wano natwama no.

Ubutukilo 24:3 Iomraidhean Croise

Ubutukilo 14:19

Yawahisa Apalama ngwenyi, Zambi Chitunda, Mwenya malilu ni hashi akawahise Apalama,

Ubutukilo 14:22

Apalama yakumbulula kuli mwanangana wa Sondome ngwenyi, Hinazundula kwoko liami kuli Yehova mwe Chitunda, mwenya malilu ni hashi ngwami,

Ubutukilo 21:23

Kashika ulishinge hano ni Zambi kuli yami ngwe, kuchi kulinga ni kwonga kuli yami, chipwe kuli mwanami, chipwe kuli mujikulu wami. Alioze ukalinge nikulita ni utu uze yami nalingile kuli yena, chocho mulinga kuli yami ni ku chifuchi chino watwamamo njize.

Ubutukilo 24:7

Yehova, Zambi ya mwilu, yoze wanguchijile ku zuwo lia tata ku chifuchi kuze nasemukinyine, yoze wahanjikile ni yami, washingile kuli yami ngwenyi, Ku munyachi we mungukahana chifuchi chino, iye kumakatuma mungelo wenyi kulutwe lie mba kwenako mukasakila pwo mwanami.

Ubutukilo 27:46

Mba Rebeka yamba kuli Izake ngwenyi, Mwono wami wangusekela mumu hali ana ja Hete ja mapwo. Nyi Yakomba mambata pwo wa kuli ana ja Hete ngwe wano akwa chifuchi, mwono wami muungupemena kuchi?

Ubutukilo 28:1

Chocho Izake yasanyika Yakomba, yamuwahisa, yamwaha shimbi ya kwamba kuli iye ngwenyi, Kanda utambula pwo wa hakachi ka ana ja A-Kanana.

Ubutukilo 28:8

Esau yamona mapwo ja A-Kanana kapemenene tato Izake.

Ubutukilo 34:9

Tukalimbachile ni yenu. Enu munutwaha anenu a mapwo, mba munumbata anetu a mapwo.

Ubutukilo 38:2

Yunda yamonako umwe pwo, mwana wa Ka-Kanana jina lienyi Shua. Yamumbata, yanjila kuli iye.

Ubutukilo 47:31

Yamba ngwenyi, Ulishinge. Mba iye yalishinga. Mba Izalele yalihetamisa ha muhela.

Ubutukilo 50:25

José yashingisa ana ja Izalele ngwenyi, Pundu Zambi makanunangisa mba munukambata yifwaha yami nukayichize ku kuno.

Ubutukilo 6:2

ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile.

Ubutukilo 6:4

Kwapwile yindululu hashi ha matangwa aze. Mba kulutwe nawa muze ana a malunga a Zambi anjilile kuli ana ja atu a mapwo, o aasemenene ana. Ana aze apwile akwa ndundo a shakulu; akwa lufuma.

1 MIANANGANA 19:15

Mba Hezekia yalemba kumeso ja Yehova ngwenyi, Yehova, Zambi ya Izalele kuwatwama hali akerupimi, ena uli Zambi, yena wika, wa mawanangana eswe a hashi. Uli Tangi ya mwilu ni hashi.

2 Sango Ja Mianangana 2:12

Hurame yaweza nawa ngwenyi, Yehova Zambi ya Izalele, Tangi ya lilu ni hashi, afumane, mumu hahana kuli mwanangana David mwana umwe wa mana ni malinjekela ni yinyingi, akatungile Yehova zuwo, ni zuwo lia wanangana nawa.

Ezra 5:11

Yatukumbulula ngwo, Etu tuli tuvumbi twa Zambi ya mwilu ni hashi. Tunatungu zuwo lino alitungile miaka kushi, te umwe mwanangana munene wa Izalele walitungile ni kulimanununa.

Nehemia 13:25

Yingulitachika no, nikwashinga, nikulamba amwe, ni kusuta kambu jo, nikwashingisa ni Zambi ngwami, Kunuchi kuhana anenu a mapwo kuli anó a malunga, chipwe kumbata anó a mapwo hali anenu a malunga hanji hali yenwene.

Nehemia 9:6

Yena uli Yehova; yena mwene ukawe. Yena watangile lilu, ni lilu lia malilu ni mbunga yamo yeswe, ni hashi ni yuma yeswe yiliho, ni tulunga-njiji ni yuma yeswe yilimo; ni yena kuwakuyifunga yeswe. Mbunga ya mwilu kakukuwayila.

Miaso (Masamu) 115:15

Hanuwahisa kuli Yehova yoze watangile mwilu ni hashi.

Miaso (Masamu) 136:26

Sakwililenu Zambi ya mwilu; mumu utu wa zango lienyi wa mutolo.

Kutuhuka 20:7

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Kutuhuka 22:11

Shingo lia Yehova likapwe hakachi ka eswe aali ngwenyi, Chakwachile ku yuma ya mukwetu. Mba mwenyacho akachifuliele, kanda akachifweta.

Kutuhuka 23:13

Nukafunge yuma yeswe hinamba kuli yenu. Kanda nukavuluka majina ja tuzambi tweka, chipwe kanda akaevwa ku makanwa jenu.

Kutuhuka 34:16

Kuchina mukambachisa ana jo a mapwo kuli ana je a malunga, mba ana jo a mapwo makaya akalinge ukoi ni tuzambi two mba makazangisa ana je a malunga kuya akalinge ukoi ni tuzambi two.

Izaya 45:23

Nalishingile ni yami mwene. Liji limwe hiliatuhuka mu kanwa liami mu ululi, kulichi kuhasa kuhiluka kunyima, ngwami, Kungunwa lieswe mulikazondama kuli yami, ni limi lieswe mulikalishinga.

Izaya 48:1

Panjikenu chino, enu akwa munyachi wa Yakomba, enu hanwaha jina lia Izalele, ni yenu nwasemukine kuli Yunda. Nwakulishinga ni jina lia Yehova, mwakutayiza Zambi ya Izalele, alioze kunwachilingile ni umwenemwene ni ululi.

Izaya 65:16

Kashika yoze maliwahisa mu chifuchi, maliwahisa ni jina lia Zambi ya umwenemwene, yoze malishinga mu chifuchi malishinga ni Zambi ya umwenemwene, mumu lamba lia kushi hanalivulama, hiliaswamina kumeso jami.

Jeremia 10:11

Muwamba kuli ayo ngwe, Mazambi aze katangile malilu ni hashi kumakanonga ni hashi ni mushi lia malilu.

Jeremia 12:16

Muchikapwa nyi malilongesa kanawa kanawa ndako ja atu jami, akalishinge ni jina liami ngwo, Ni mwono wa Yehova, chizechene ngwe alongesele atu jami kulishinga ni Mbale; nyi chocho mba maatungisa hakachi ka atu jami.

Jeremia 29:6

Mbatenu mapwo nukaseme ana ja malunga ni ja mapwo; mbachilenu mapwo anenu a malunga hangisenu anenu a mapwo, hanga akaseme ana ja malunga ni ja mapwo. Liokesenu, kanda nutepuluka.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Alevi 19:12

Kanda nulishinga ni mahuza ku jina liami, nukajilule jina lia Zambi yenu. Yami Yehova.

Zefania 1:5

waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Kwalula 5:21

henaho sasendote akashingise mwe pwo liji lia shingo. Sasendote akambe kuli pwo ngwenyi, Yehova akushinge, akupwise nako hakachi ka atu je muze Yehova masosewesa chitongo che, ni kujimbisa mujimba we.

1 Korintu 7:39

Pwo makashiwa ni shimbi ha shimbu lize lieswe mukwo-lunga mapwa ni mwono, alioze kachi mukwo-lunga mafwa kachi makatusuka akaye ulo kuli mweswe mamuzanga; alioze muli mwe Mwene wika.

Shimbi 10:20

Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

Shimbi 6:13

Nukavwile woma Yehova Zambi yenu, nukamuvumbike iye, nukalishinge ni jina lienyi.

Hebreu 6:16

Mumu atu chamwenemwene kakulishinga ni umwe Wahiana; ni shingo lia kukolesa liapwa songo lia kuhamika cheswe.

Yoshua 2:12

Kashika lilakenyenu ni yami ni shingo kuli Yehova se yami hinanulingila vumbi, ni yenu nawa nukalinge ni vumbi kuli akwa zuwo lia tata. Ngwehenu chilayi chamwenemwene.

Akwa Kuyula 14:3

Alioze tato ni naye amwambile ngwo, Te kukushi pwo niumwe hakachi ka ana ja usoko we, hanji hakachi ka atu jetu eswe, kashika Chakutamba kuya kufupa pwo kuli wano yilima ja A-Filistea, nyi? Hindu Samasone wambile kuli tato ngwenyi, Ngutambwileye mumu kanangupemena kanawa.

1 Samuel 20:17

Jonatas yashingisa David nawa ha zango lienyi mumu wamuzangile chizechene ngwe wazangile mwono wenyi mwene.

1 Samuel 30:15

David yamuhula ngwenyi, Mututwala ku mbunga yino, nyi? Iye yamba ngwenyi, Ulishinge ni Zambi, kuchi kungushiha hanji kungukunjika kuli mwata wami mba mungunutwala ku mbunga yino.